Түреш!

20 май — Бөтендөнья бал корты көне

Бал кортлары — табигатьнең иң тырыш, иң акыллы җан ияләре. Бер кашык бал җыю өчен меңнәрчә чәчәккә кунган бу кечкенә бөҗәкләр безгә эш сөючәнлек һәм бердәмлек үрнәге булып тора.Бу көнне барлык умартачыларны да чын күңелдән котлыйбыз! Сезнең хезмәтегез — зур сабырлык һәм табигатьне чиксез ярату таләп итә торган алтынга тиң эш. Бал кортлары эшчәнлеге кеше сәламәтлеге өчен генә түгел, ә экология өчен дә бик мөһим. Алар иң кирәкле бөҗәкләр. Бал кортларының миллион еллар буе үсемлек-агачларны серкәләндерүе табигатьнең төрлеләнүенә, планетада флораның үсешенә зур этәргеч биргән.Алар — дөньядагы иң эш сөючән җан ияләре. Бу кечкенә эшчеләр турында иң кызыклы 3 ф

19 нчы май - Пионер балалар оешмасының туган көне

Пионерлар — киләчәккә юл яручылар, курку белми, алдан баручылар. Бу сүзне пионерия баскычларын үтеп үскән кеше тулысынча аңлый. Бүгенге буын аларны китаплардан гына укып белә. Өлкән буынга патриотик тәрбия бирүдә йогынтысы булган, чын кеше тәрбиләүдә зур өлешен керткән Пионер балалар оешмасының бүген туган көне. Күпләр өчен бу көн — бөтен мәктәп белән яланга чыгып, учакта аш пешергән, ярышлар һәм уеннар белән гөрләп үткән турслет хатирәсе. Көн буе саф һавада йөгереп, төтен исе сеңгән тәмле чәй эчүләр әле дә хәтердә...
Күңелегездәге ул чактагы дәртегез, дөньяны яхшыртырга омтылышыгыз беркайчан да сүнмәсен. Сезгә тыныч күк йөзе, гаилә җылысы

15 май — бар дөньяда Халыкара гаилә көне билгеләп үтелә!

Ул — кеше тормышының иң зур кыйммәтләрен искә төшерә торган иң җылы, иң изге бәйрәмнәрнең берсе.«Үз йортында бәхетле булган гына бәхетле», — диләр халыкта. Кеше яшәешенең асылын шушы гап-гади сүзләр ача да сала. Безнең авылда да сокланырлык, матур, үрнәк гаиләләр бихисап! Аларның күбесе тормыш юлыннан гомер буе бергә, пар канатлы булып, бер-берсен олылап һәм яратып яшәүчеләр. Нәкъ менә шундый гаиләләр авылыбызның төп таянычы, үрнәге һәм бизәге булып тора. Авылыбызның һәр йортына, һәр гаиләсенә бәхет, иминлек һәм җан тынычлыгы телибез. Пар канатларыгыз таушалмасын, балалар һәм оныклар игелеген күреп, өйләрегездә һәрчак шатлыклы көлке

12 май — Экологик белем бирү көне!

Бүгенге көн безгә табигатьне ярату гына җитми, аны сакларга һәм баеытырга да кирәк икәнен искә төшерә. Бу юнәлештәге иң мөһим адымнарның берсе — агач утырту.
Агачлар — планетабызның үпкәләре. Бер генә үсенте утырту да — киләчәк буыннар өчен саф һава һәм яшел дөнья калдыру дигән сүз. Бу изге эш кенә түгел, ә табигать алдындагы җаваплылыгыбыз да.
Экологик белемне гамәлдә күрсәтик:
Чүпне аерып җыюга күчик;
Суны һәм утны сакчыл кулланыйк;
Мөмкинлек булган саен яңа агачлар утыртыйк!
Җир шары — безнең уртак йортыбыз. Аның киләчәге һәркайсыбызның бүгенге адымнарына бәйле. Әйдәгез, табигатьне бергәләп саклыйк!
#Экология #12май #Агачутырту #ТабигатьнеСа

12 май — Халыкара шәфкәт туташлары көне!

Бүген дөньядагы иң изге һөнәр ияләренең берсе — шәфкәт туташлары үз бәйрәмнәрен билгеләп үтә. Сезнең һөнәрегез — ул бары тик медицина белеме генә түгел, ул зур йөрәк, сабырлык һәм башкаларның кайгысын үз итә белү сәләте. Пациентларга өмет биргән, җылы сүзегез һәм кайгыртучанлыгыгыз белән дәвалаган өчен рәхмәт сезгә! Сез — табибларның уң кулы һәм авыруларның төп терәге. Бәйрәм белән! Сезгә ныклы сәламәтлек, гаилә бәхете һәм эшегездә бары тик рәхмәтле пациентлар гына очравын телибез!

9 май-Җиңү көне!

Җиңү көненнән дә яктырак, изгерәк бәйрәм юк. Без каһарман сугышчыларга, фидакарьләрчә хезмәт куйган тыл хезмәтчәннәренә тирән хөрмәтебезне, чиксез рәхмәтебезне җиткерәбез. Тынычлык хакына кылган батырлыгыгыз, сугыштан соң авылны торгызуда күрсәткән намуслы хезмәтегез алдында баш иябез.
Барыгызны да Бөек Җинү көне белән ихластан котлыйбыз һәм ныклы сәламәтлек, имин, бәхетле тормыш телибез. Күкләр һәрчак аяз булсын!

"Карга боткасы"бәйрәме

"Карга боткасы" бәйрәмен халкыбыз борын-борыннан билгеләгән. Бүген безнең авылда балалар өчен бик күңелле көн — балалар «Карга боткасы»на чыкты! Иртән-иртүк урамнарны балаларның җанлы тавышлары тутырды. Алар, «Кар-кар, каргалар килде, ике күкәй чыгар!» дип такмаклап, өйдән-өйгә йөриләр. Балаларның чиләкләре шыплап тулсын дип, һәркем капкасын ачып көтеп тора. Борынгы «Карга боткасы» бәйрәме безнең көннәрдә менә шулай заманча һәм җанлы булып яши. Балаларның шат тавышы, «кар-кар» дип кыланулары — табигатьне уяту һәм йортка бәрәкәт теләү ул. Күршеләрне, балаларны берләштерә торган иң җылы бәйрәм. Балачакның шушындый гамьсез, бәхетле мизгелләрен саклаган авылларыбыз мәңге

29 апрель — Халыкара бию көне

Бию- кешеләрнең хис-тойгыларын, эчке дөньясын һәм кәефен сүзсез генә гәүдә хәрәкәтләре аша җиткерүче тел ул. Ул җанның теле, ирек тойгысы һәм хисләр ташкыны.
Фольклор, борынгы традицияләр, заманча сәнгать һәм иҗат — болар барысы да биюгә сыйган. Бию безгә дәрт бирә, кәефне күтәрә һәм йөрәкләрне берләштерә! Бәйрәмнең төп идеясе – биюнең барлык юнәлешләрен бердәм сәнгать формасы итеп берләштерү. Бию көне кешеләрне дуслык һәм тынычлык хакына бердәм бию теле аша берләштерү булып тора. Димәк, бүген кәефләрегез яхшы булып, күңелләрдә төрледән-төрле бию көйләре яңгырап, аяклар эш арасында гына булса да тыпырдап торырга тиеш.
Бүгенге бәйрәм белән барлык биючеләрне һә

28 апрель — Ашыгыч ярдәм хезмәткәрләре көне!

Сезнең һәрвакыт уяу булуыгыз, профессиональлегегез һәм изге йөрәгегез өчен рәхмәт! Сезгә җиңел сменалар, ныклы сәламәтлек һәм гаилә җылысы телибез! Бәйрәм белән!

25 апрель — Эльбадагы тарихи очрашу көне!

Бүген — Бөек Ватан сугышы тарихындагы иң мөһим даталарның берсе. 81 ел элек, 1945 елның 25 апрелендә ,Германиянең Торгау шәһәре янында, Эльба елгасында совет гаскәрләре союздашлар (англо-америка гаскәрләре) белән очраша. Эльбадагы очрашу фашистлар армиясен икегә бүлә һәм Җиңүнең бик якын икәнен бөтен дөньяга хәбәр итә. Ул вакытта солдатлар арасындагы дуслыкның чиге булмый: бер-берсен кочаклап кул бирешеп күрешкәннәр, истәлекле бүләкләр алышканнар, «Victory!» һәм «Җиңү!» дип кычкырганнар. Бу — сугыш афәтеннән арыган дөньяның тынычлыкка өметләнгән мизгеле була.
Бу тарихи вакыйганың үзәгендә безнең авылдашларыбыз булуы — безнең өчен чиксез горурлык! Ала

22 апрель — Владимир Ильич Ленинның туган көне

Бу дата безнең ил тарихының зур бер өлеше. Авылыбызның иң изге урыннары: мәчет, зират һәм Җиңү паркы нәкъ менә Ленин исемен йөртүче урамда урнашкан. Парктагы Ленин бюсты — ул бабаларыбызның намуслы хезмәт елларын һәм шул чор рухын искә төшереп торучы тарихи истәлек.
Бу көнне элек-электән «Ленин өмәләре» үткәрү традициясе яши. Быел да авылдашларыбыз бу матур гадәтне дәвам итте. Мәктәп коллективы һәм укучылар Җиңү паркы территориясен чистартты, ә халык бергәләп зиратны тәртипкә китерде.
Тарихыбызны онытмыйча, авылыбызның йөзе булган урамыбызны чиста һәм матур саклыйк. Күмәк хезмәттә катнашкан һәркемгә зур рәхмәт!

21 апрель — Җирле үзидарә көне

Хөрмәтле Рима Раисовна, җирле үзидарә хезмәткәрләре, актив депутатларыбыз һәм авыл активистлары! Сезне һөнәри бәйрәмегез белән котлыйбыз!
Авылыбызның иминлеге һәм киләчәге барыбызның бердәмлегеннән, үзара ярдәмләшеп яшәвеннән тора. Бу катлаулы вакытта бердәм булып калу, бер-беребезгә терәк булу аеруча мөһим. Авыл тормышын яхшыртуга өлеш кертүче, битараф булмаган һәркемгә олы рәхмәтебезне белдерәбез.
Сезгә ныклы сәламәтлек, какшамас ихтыяр көче һәм сабырлык телибез. Күкләребез һәрвакыт аяз, көннәребез тыныч булсын, илләребезгә тизрәк тынычлык килсен. Гаиләләрегездә иминлек, җан тынычлыгы һәм якты өметләр юлдаш булсын!
Бәйрәм белән!