Түреш!

22 ноябрь-Уллар көне

22 ноябрьдә бөтен дөньяда игелекле гаилә бәйрәме - Уллар көне, ягъни ир балалар көне билгеләп үтелә. Аны һәр ир-егет билгеләп үтә ала. Чөнки һәр ир-егет кемнеңдер кадерле улы бит. Шулай ук малайлар тәрбияләп үстерүче әти-әниләр өчен дә зур бәйрәм бу. Уллары булган барлык әти-әниләрне шушы матур бәйрәм белэн котлыйбыз! Улларыгыздан һәрвакытта да хәерле, шатлыклы хәбәрләр генә ишетеп яшәргә язсын. Сау-сәламәт, бәхетле булсыннар кадерле балаларыгыз!

Яңа 2026 ел белән!

Яңа ел яхшы хәбәрләр, яңа вакыйгалар, яңа сөенечләр, яңа танышулар алып килсен! һәрберебезгә тынычлык, мәхәббәт һәм иминлек, бәхет һәм шатлык, сәламәтлек һәм уңышлар телибез! Бер-берегезне саклап, яратып-яратылып яшәгез!
2026 ел- Кызыл Утлы Ат елы! Ат-ул көч, тизлек һәм тугрылык символы. Ат һәрвакыт кеше белән янәшә булган: ул авыр эштә дә, ерак сәяхәтләрдә дә, сугыш кырларында да иң ышанычлы дус саналган. Юкка түгел, борынгыдан Ат сыны карьера үсешен, зур уңышларны һәм алга баруны гәүдәләндерә. 2026 ел символы белән бәйле юрауларга килгәндә, ат кебек эшләсәң, ел да уңышлы булыр. Атның ялыннан сыйпап алсаң- бәхет тә, уңыш та ел буена юлдаш булыр диләр.
Атлар белән бәйле мәкальләр:"Ир-егетнең йөрәгендә иярле-йөгәнле ат ятар". "Ат ашаган җиренә, ир туган иленә тартыр"." Ат – дагасыз, батыр ярасыз булмый". "Атсыз татар – канатсыз".
“Атым – пар канатым”, – дигән мәкаль дә бар. 2026 елда канатланып яшәргә, яңа уңышларга ирешергә язсын !