Roberto Baggio-nun vurduğu dünya futbolunun ən yaxşı yeddinci qolu!

Dünya futbol tarixinin yeddinci ən yaxşı qolu! 1990-cı ilin 19 iyun tarixi. Dünya Çempionatının qrup mərhələsində İtaliya yığması A qrupunda o vaxtkı Çexoslovakiya yığması ilə üz-üzə gəlir. Oyunda birinci qolu 9-cu dəqiqədə Salvatore Skillaçi vurur: Cüzeppe Cannininin ötürməsindən sonra. Və... Oyunun 78-ci dəqiqəsində yenə də Cüzeppe Cannininin ötürməsindən sonra top... top əfsanəvi futbolçu Roberto Baccionun ayaqlarına gəlir. Baccionun ayaqlarına düşən top ancaq və ancaq belə bir qeyri-adi, möhtəşəm qola çevrilə bilərdi, çevrilir də. İllər sonra dəqiq desək, 30 May 2002-ci ildə bu qol FİFA tərəfindən keçirilən sorğuda futbol tarixinin ən yaxşı yeddinci qolu sayılır.