Ես ծնվել եմ նրա համար,

#Ես ծնվել եմ նրա համար, Որ մոր սրտում կարոտ դառնամ Եվ սպասվող որդու նման Հեռուներից վերադառնամ. Ես ծնվել եմ նրա համար, Որ ցավածին մխիթարեմ. Ջահելների հարսանիքին Ձեռքիս գինի զվարթ պարեմ. Նորածնի բերնով ճչամ Ու մոր բերնով ասեմ «նանիկ». Տուն երազող զույգի համար Դառնամ սիրո համեստ տանիք. Եթե շուրջս խավար լինի՝ Մարդկանց համար փայլատակեմ, Հասակով մեկ փռվեմ գետին Վհատության ճամփան փակեմ … ❗ #Հետաքրքիր փաստեր Պարույր Սևակի մասին 1▫️․ Բանաստեղծի բոլոր փաստաթղթերում, ինչպես զանազան կարգի նշումներում, իբրև ծննդյան օր նշված է 1924թ. հունվարի 26-ը: Բայց իր մի գրքի մեջ, 1971թ. հունվարի 24-ի նշումի կողքին Պարույր Սևակը ավելացրել է՝ «ծննդյանս օրը»: 2․▪️ Նրա կնքահայրը՝ այգեգործ Մադոյան Խաչատուրը, նորածնին Պարույր է կոչել ի պատիվ նույնանուն սպայի, բանաստեղծ Ռուբեն Սևակի, որը զոհվել է։ 3․▫️ Սևակը տան միակ երեխան էր, նա առանձնահատուկ սեր ուներ մոր հանդեպ, որին անվանում էր Ազի։ Սևակը մոր մասին գրում է՝ «Իմ մայրը մի կին էր, որի համար դժբախտության հասկացողությունը անհասկանալի մնաց ամբողջ կյանքում։ Ամբողջ կյանքում նա իրեն դժբախտ է համարել, այդքանով էլ, իսկապես, դժբախտությունը՝ ահավոր ճշտությամբ ապրելուց հեռու մնալով։ Նրա համար դժբախտություն էր՝ խոտը ուշ դեզելը, թեյի գդալների պակասը, աման ջարդվելը, պարանի կորչելը։ Բանաստեղծական հոգի էր նա, աշխարհը ողբերգականորեն վերապրող, անհանգիստ, անհագ հոգի, որքան, իհարկե, զորում էր նրա գեղջկական՝ պարզ, ոչնչով չաղարտված արտաքին էությունը։ Ես նրանից ժառանգել եմ չափազանց շատ, այնքան շատ, որ մեծագույն մասով փոխարկվել է ուղիղ հակադրության»։ 4․ ▪️Մանուկ Պարույրը գրել ,կարդալ սկսում է 5 տարեկանից։ Տեսնելով տղայի ընդունակությունները դպրոցի ուսուցիչը մեկ տարի անց՝ 1930թ․-ին թույլ է տալիս նրան օրինական ձևով հաճախել դպրոց՝ անուն-ազգանունը գրանցելով մատյանում։ 5․ ▫️Պարույր Ղազարյանին Սևակ ազգանունն է տվել արվեստաբանության դոկտոր, պրոֆեսոր Ռուբեն Զարյանը։ Ռուբեն Զարյանը պատմում է՝ «Պատերազմի տարիներին խմբագրում էի ամսագիրը: Բանաստեղծների ծաղկեփունջը չկար: Եվ բանաստեղծական այդ ամլության մեջ ինձ համար հայտնություն էին դեռ պատանի Պարույր Ղազարյանի բանաստեղծությունները: Կարդալուց հետո մտածեցի ոչ միայն անմիջապես տպագրելու, այլ նաև գեղջուկ այդ բանաստեղծին մի իսկական բանաստեղծական անուն շնորհելու մասին: Եվ սկսեցի ասել՝ Պարույր Սևակ, Պարույր Սևակ: Չէ՛, շատ լավ է հնչում»: 6․ ▪️Պարույր Սևակի բանաստեղծությունները թարգամնվել են աշխարհի բազմաթիվ լեզուներով։ Նրա սցենարներով նկարահանվել են <<Մեսրոպ Մաշտոց>> (1962թ․), <<Սայաթ-Նովա>>(1965թ․) ֆիլմերը։