ՈՉ ՄԻԱՅՆ ՀԱՑԻՎ. ՎԵՐԻՆ ԱՐՏԱՇԱՏԻ Ս. ԱՍՏՎԱԾԱԾԻՆ /VOCH MIAYN HACIV. VERIN ARTASHATI S. ASTVACACIN /

1828 թվականին, Պարսկաստանի Խոյ, Սալմաստ և Ուրմիա գավառներից ներգաղթած վերաբնակիչները, Մասիսի դեմ դիմաց, Դվինի փլատակների մերձակայքում հիմնեցին մի գյուղ և անունը դրեցին Արդաշատ: Իսկ հետագայում Արտաշատ: Գյուղը Արտաշատ է կոչվել 115 տարի, այնուհետև մայրաքաղաք Արտաշատից տարբերելու համար վերանվանվել է Վերին Արտաշատ: Նախկին հողաշեն եկեղեցու վայրում բնակիչները 1830-ականներին սկսում են նոր՝ քարաշեն աղոթատան կառուցման աշխատանքները: Ինչպես շատ համայնքներում, այնպես էլ այստեղ եկեղեցու պատերը բարձրանում էին գյուղացիների հանգանակած գումարներով: Շինարարական աշխատանքներին ևս մասնակցել է ողջ գյուղը: 19-րդ դարում կառուցված եկեղեցին գտնվում է գյուղի կենտրոնական մասում` մայրուղու հարևանությամբ: