Рейдҳои навбатӣ алайҳи муҳоҷирон дар ФР | Лимит ва содироти барқ ба хориҷа | Пойгоҳи низомӣ дар ҶТ

Дар нимсолаи якуми соли ҷорӣ аз Русия барои вайронкуниҳои гуногун 17,1 ҳазор шаҳрвандони Тоҷикистон ихроҷ карда шуданд, иттилоъ дод дар як нишасти хабарӣ раиси Вазорати меҳнат ва шуғли аҳолии ҶТ Гулнора Ҳасанзода. Ба гуфтаи ӯ, дар ин давра нисбати шаҳрвандони Тоҷикистон 332,7 ҳазор протоколи ҳуқуқвайронкуниҳои маъмурӣ тартиб дода шудааст. Сабаби асосии ихроҷ риоя накардани қоидаҳои будубош дар Русия, аз ҷумла, ба охир расидани мӯҳлати патенти меҳнатӣ ва дигар қонуншиканиҳо мебошад.