Mirfayaz Likməkani - Hay çımı həşi

şeir bə Ozodəti nıvıştə bə. Beşi, konco mandij hay çımı həşi? Valla, vindedəni iyo çəş-çəşi. Qıləy toykiyeki, dıl dəmandedə, Jıqo bızın jiyem iyo mandedə. İzohil çımısə çiç səmandedə... Oxo bəy pidəm ni hələ doy kəşi. Beşi, konco mandij hay çımı həşi? Beşi, çımı miyon osmoni bımand, Iştı vəy nızıno qəte barzə band. Nığəton - "həşijon qətə bə" - rışxand, Nə eşi, nəən bə avon kut dəşi. Beşi, konco mandij hay çımı həşi, Benışoş, bəkarde Mirfəyaz çoko? Zınedəş bıryedə əy va-vaz çoko... Nıvinde-nıvinde tıni, az çoko? jıqo çaş kardedəm, qətedəm pəşi. Beşi, konco mandij hay çımı həşi? Mirfayaz Likməkani 26.11.2022 #mirfayazlikmekani #tolışəzıvon #تالش