Курганы Наўры. На мяжы крывіцкай зямлі. Загадкі беларускай гісторыі.

На Мядзельшчыне блізка мяжы крывічоў з балцкім светам калісьці ў 11 12 ст. паўстала паселішча ці паселішчы, ад якога сёння засталіся дзве групы курганных могільнікаў. Наўраўскія курганы, хоць і папсаваныя скарбашукальнікамі розных часоў, пастаянна прывабліваюць археолагаў і валанцёраў аматараў археалогіі, якія праводзяць тут месяцы летніх сезонаў. Самае цікае з новых адкрыццяў і адначасова найвялікшая загадка чаму адныя жыхары сваіх нябожчыкаў спальвалі, а другія аддавалі цела зямлі.