Жыхар вёскі на Нараўляншчыне: Нічога не скажы, бо заўтра прыедуць

Жыхар вёскі на Нараўляншчыне: Нічога не скажы, бо заўтра прыедуць Жыхары вёскі Фізінкі, што ў 2 км ад горада Нароўлі, наракаюць на кепскаю ваду ў водаправодзе. Вада пахне балотам, карычневая, пасля адстойвання - на дне хлопья іржы. Водаправод у вёсцы быў пабудаваны на пачатку 90-х для шматлікіх перасяленцаў з выселеных вёсак Нараўлянскага раёну. З таго часу, са слоў сяльчанаў, не чысціліся трубы, два гады таму перасталі і правяраць ваду. Выратоўваюць толькі калодзежы на падворках, але не ва ўсіх яны ёсць. Да таго ж састарэлым людзям цяжка прынесці багата вады з суседскага калодзежу. Фізінкаўцы звыкла нікуды не скардзяцца на кепскую ваду, бо перакананы, што мясцовыя чыноўнікі пра іх не паклапоціцца, а вось праблемы стварыць могуць. Падрабязнасці ў матэрыяле Ларысы Шчыраковай Відэа аўтара