Видео Райо Вальекано – Барселона. Обзор матча LiveTV

Месси йил давомида Примерода урилган голлар сони бўйича Роналдунинг рекордини янгилади . Кеча “Райо Вальекано”га қарши ўйинда “Барселона” ҳужумчиси Лионель Месси иккита тўп киритиб, жамоа ғалабасига катта ҳисса қўшгани ҳақида хабар бериб ўтгандик. Аргентиналик футболчининг биринчи голи фаолиятидаги 300-гол бўлди. Бундан ташқари, бу гол Мессининг 2012 йилдаги Примерода киритган 44-голи бўлди. Шу тариқа у 2011 йил Криштиану Роналду томонидан ўрнатилган 43та голдан иборат рекордни янгилашга муваффақ бўлди. Шунингдек, Мессининг ўйиндаги иккинчи голи бу йил ҳисобидан умумий 73-гол бўлди. Бундан кўпроқ фақатгина Герд Мюллер (85та) ва Пеле (75та) тўп киритишган. Бу ҳали ҳаммаси эмас. Аргентиналик футболчи Приемерода 182-голини киритиб, Ла лига тарихидаги энг яхши тўпурарлар рўйхатида 10-ўринга чиқиб олди.