🌿🌿🌿🌿🌺🌿🌿🌿🌿

Мен билган дунёда битта аёл бор,
У аёл мен учун жонини тиккан.
Фаришта десамда, кўрганим бироқ,
Умри-чи? Бугунда қаддини бугкан!
Мен сабаб, тунлари уйқу кўрмаган,
Шу аёл сизми-сиз, айтинг онажон?
Бу ёшга келиб ҳам бир-бор кулмаган,
Ўша вақт кулишга, қайтинг онажон!
Онамнинг тўғрида, ёмон ўйламанг,
Қалбининг - поклигин ўзим биламан.
Фаришта ҳақида, бироз сўйламанг,
Фаришта - Оқлигин ўзим биламан!
Фарзанд деб ўзини унутиб қўйган,
Сочлари оқарган, сизми онажон?
Ҳар доим фарзанднинг ғамида куйган,
Ўзингиз ҳақида ўйлайсиз қачон?
Ўғлингиз улғайди, бугунда қаранг,
Чеҳраси шодланир билингиз она.
Юзингиз қувончи, бахтга айланар,
Ҳис қилган бахт ила, кулингиз она!!!