Радио России-Хакас Радио 91FM

Радио кӱнінең Хакас Радиозын исчеткен арғыстарыбысты паза позыбысты алғыстапчабыс! Хакасияда радио хакас тілінең 94 чыл чоохтан парир,пазағы чылда пайрамын таныхтир. Пістің тіл анаң андар паза муңар чыллар пу чир ӱстӱнде истіл турзын , чоныбыс ай хазых чуртазын, тӧллерібіс часкалығ ползын,чирі-суубыс ,пик хуйахтығ полып, чахсыдаң піске хабазып одырзын!!!Ӱлӱкӱннең!!!!!#ХакасРадио

Хакас Радиозының кӱніне удур СУРАСТЫРЫҒ: хакас радиозын исчезер ,испинчезер,кӧрчезер, кӧрбинчезер? Истерге итчезер, че хайда ,пілбинчезер, кӧр халарға сағынчазар ,че маңнанмин халчазар...Исчетсе, хайда исчезер? Че аны пілчеткеннер ОК-да паза ВК-да кӧрчелер, хығырчалар,исчелер. Андағларға андада сурығ-хайдағ темалар иң кӧңніңерге кірче, хайдағ сурығларны тирең чарыдары киректелче, искіріглерні ,улуғ арах ,кічіг арах итсе,килістіре истерге,кемнерні паза истіп аларға сағынчазар???... Пу сурастырыға нандырығлар пістің тоғызыбысты улам алғыдарға полызар.Че ундубаңар, пу сурастырығ ӱлӱкӱнге удур иртірілче))),кӧңнібіс тӱзірбес ӱчӱн ,чізе... Сағысха киріп, радио Хакасияда 1932 чылдан сығара тоғынча. Сидік чаа чылларында радио ,Хакас чирінің иң ырах аалларынзар хабарлар читіріп, чонның кӧңнін кӧдірген, Чиңіске чидерге хабасхан. Пазағы чылда Хакасиядағы радионың пайрамнығ 95 чазы таныхталар. Сағамғы туста хакас тілінең чоохтанчатхан радиода 6 кізі тоғынча. Ӧӧн хабарҷы Светлана Чанкова полча. Искіріглерні эфирге ӱн режиссеры полчатхан Светлана Субракова чазап салча. Хабарҷы-корреспонденттер: Инна Тодинова, Алевтина Букванова ,Надежда Кулевцова полчалар паза кӧг саринаң хабарҷы тоғызын Владимир Доржу апарча. Сағам чарым(0,5) ставкада корреспондент киректелче. Ол иң пастағызын хакас тілін пілчеткен паза тоғысха кӱлӱк кізі поларға кирек. Хакасияда Хакас Радиозын FM каналның пу салғахтарында тударға чарир: Ағбан- 91 МГц , Абаза-103,3 МГц, Асхыс-72,59 МГц, Пии (Бея)-73,61МГц, Боград-72,50МГц, Копьево-68,00МГц, Сарагаш-73,61МГц, Гладенькая-102,7МГц, Сорск(Сорығ)-73,19МГц, Таштып-71,00МГц, Черемушки(Нымырттығ)-73,01МГц, Шира-70,16МГц Эфирге сыхчатхан тус: полған на кӱн понедельниктең,пас кӱннең ,пасти пятницаға ,пис хоныхха , теере 11.10-12.00 кӱнӧрткі туста паза 17.45-18.00 иирде. Чеч1ме кунде,тізең, 11.55-12.00 теере Хабарлар полча. Темалар прай саринаң хабылча, ӧӧн хайығ тілге ,пос чонының кӧрізіне,чуртазына паза кибірлеріне салылча. Радио кӱні 07 майда(силкерде) таныхталча.#ХакасРадио

2026 чылның Чыл пазы - сомнарда. Узанҷыхтарның тоғыстары.

2026 чылның Чыл пазы - сомнарда. Хакас сикпеннері.