Ё РОСУЛАЛЛОҲ

Севгингизла майдонга,
Келдим, ё Росулаллоҳ!
Дардим билан давронга,
Кирдим, ё Росулаллоҳ!
Зокирнинг зикри Ёрни,
Тарк эттирар ағёрни,
Ошиқ бўлгач Дилдорни,
Кўрдим, ё Росулаллоҳ!
Лутф этинг Ҳазрат бизга,
Сиздан саодат бизга,
Жумла муҳтождир Сизга,
Билдим, ё Росулаллоҳ!
Бош яланг, ёқа вайрон,
Кўзим ёш, жигар гирён,
Жонимни Сизга қурбон,
Қилдим, ё Росулаллоҳ!
Ҳижронда қолдим ўзим,
Очилмишдир қалб кўзим,
Пойингизга гул юзим,
Сурдим, ё Росулаллоҳ!
Қалб ўзгача кон эмиш,
Зотида бурҳон эмиш,
Маҳбубий меҳмон эмиш,
Туйдим, ё Росулаллоҳ!
Севгингизла майдонга,
Келдим, ё Росулаллоҳ!
Дардим билан давронга,
Кирдим, ё Росулаллоҳ!
©️ Шайх Ҳасан Вуслат
©️ Таржимон Маҳбубий