Венера Аллашева

Авылыбызның опекун гаиләләре

Мөкминовлар
«Гаилә елы»на багышлап шундый зур тема ачасым килә. Көнкүрешләре генә түгел, язмышлары да искиткеч бер-берсенә охшаш авылыбызның иң матур гаиләләре турында сүз барыр.
Иң беренче чиратта, күңелем кушканча, Мөкминовлар гәиләсеннән башларга булдым. Чәвид абый белән Нурия апа яшьли генә бер берсен ихлас яратып гаилә кордылар. Тормышларын хәләл эшләп тапкан акчаларына алган кашык, чынаяк, табак-савыттан башлап, үз көчләре белән йорт төзеп, мал-туар асрадылар. Бер-бер артлы матур өч бала туды, барысына да өлгереп, балаларга гына түгел, туганнарга да терәк-таяныч булып яшәделәр. Кунакчыл гаиләгә һәркемнең рәхмәте хәзер дә зур.