Аура — бул адамдын денесин курчап турган жана аны сырткы терс таасирлерден, жаман энергиялардан коргогон көрүнбөгөн биоэнергетикалык кабык.

Эгерде бул кабык алсыраса, адам тез ооруп, стресске туруксуз болуп, жашоого болгон энергиясы жоголот.
Биз күнүмдүк жашоодо ар кандай адамдар, чөйрөлөр жана окуялар менен кагылышабыз. Алардын баары биздин ички дүйнөбүзгө гана эмес, энергетикалык кабыгыбызга — аурага да таасирин тийгизет. Күчтүү аура адамды ийгиликтүү, ден соолугу чың жана позитивдүү кылат. Ал эми алсыраган аура тешик чака сыяктуу ички кубатыбызды сыртка агызып жиберет.
Аура качан жана эмнеден улам алсырайт?
Өнөкөт стресс жана терс эмоциялар. Коркунуч, көрө албастык, таарыныч, ачуулануу жана жек көрүү сезимдери аураны ичинен жеп, тешип баштайт. Өзгөчө өткөн чактагы таарынычтарды ичке сактап жүрүү энергияны соруп турат.
Физикалык чарчоо жана уйкунун канбашы. Дене алсыраганда, анын биоталаасы да автоматтык түрдө тарыйт. Уйкусуздук ауранын калыбына келишине тоскоол болот.
«Энергетикалык вампирлер» менен байланыш. Сүйлөшкөндөн кийин өзүңүздү алсыз, баш оорулуу сездирген, дайыма даттанган же сизди күнөөлөгөн адамдар сиздин аураңызды соруп алышат.
Ушак, уруш-талаш көп болгон жеррде узак убакыт болуу аурага «начар» энергиялардын жабышуусуна алып келет.
Аураны кантип коргоо жана чыңдоо керек?
Суу менен тазалануу
Суу — энергияны эң жакшы тазалоочу курал. Оор жумуш күнүнөн же жагымсыз адам менен жолуккандан кийин душка түшүңүз.
Туздуу ванна кабыл алуу да аураны тез тазалайт.
Энергетикалык блок
Жагымсыз адам менен сүйлөшүүгө туура келсе, колуңузду же бутуңузду кайчылаштырып алыңыз. Бул сиздин энергетикалык чынжырчаңызды жаап, сырттан келген таасирди азайтат. Эң негизгиси, анын сөздөрүн жүрөгүңүзгө жакын албаңыз — эмоционалдык бейтараптуулукту сактаңыз.
Табият менен байланыш жана медитация
Таза абада сейилдөө, бак-дарактарды кучактоо, тоого чыгуу жер менен байланышты калыбына келтирет.
Сиздин аураңыздын күчү — бул сиздин өзүңүзгө болгон сүйүүңүздүн жана ички тынчтыгыңыздын чагылышы. Сиз өзүңүздү бактылуу, бейпил жана ишенимдүү сезгенде, сиздин энергетикалык калканыңыз ар дайым бузулгус жана кубаттуу болот.
#психология — чувствует мотивацию.