Դաշնակցականները ևս մեկնեցին առաջնագիծ

Հայաստանում եւ Ղարաբաղում հարյուրավոր կամավորականներ միացել են եւ շարունակում են միանալ առաջնագծում այս օրերին մատեր վարող զինուժին։ Արդեն իսկ Արցախ են մեկնել մի խումբ ՀՅԴ- ականներ: Մարդաշատ էր այսօր վաղ առավոտյան Երկրապահ կամավորական միության կենտրոնական՝ Երեւանյան վարչության գրասենյակը: Այստեղից հազարավոր կամավորներ սեփական դիմումի համաձայն ցուցակագրվել եւ այս պահին մեկնում են առաջնագիծ: ՀՅԴ Շիրակի մարզային կոմիտեում եվս ընթացել են ցուցակագրման աշխատանքներ, վաղ առավոտից 32 ազատամարտիկ մեկնել է առաջնագիծ, կեսօրից հետո ևս նրանց են միացել նույնքան դաշնակցականներ: Նրանք մեկնել են Արցախ Ռոմիկ Մանուկյանի գլխավորությամբ: