ОКУУЧУ КҮТКӨН МУГАЛИМ 2018-жылдын 26-июнунан 2-июлуна чейин Чолпон-Ата шаарынын “Ала-Тоо” эс алуу борборунда “Аймактарды өнүктүрүү” жылынын алкагында Ч. Айтматовдун 90 жылдык, Комсомолдун 100 жылдык мааракелерине арналган “Окуучу күткөн мугалим” I республикалык жайкы мектеби, “Менин мекеним Кыргызстан” XII балдардын чыгармачылык фестивалы, “Комуз – түбөлүк ыйык өнөр” республикалык комузчулардын мастер-классы болуп өттү. Жайкы мектептин жана фестивалдын уюштуруучулары республикалык “Мугалим” илимий-педагогикалык журналы жана Балдардын жана өспүрүмдөрдүн улуттук “Сейтек” борбору болуп саналат. Жайкы мектеп алгачкы жолу уюштурулуп, ага республиканын жети дубанынан келген 80ге жакын мыкты мугалимдер катышты. Алардын арасында Кыргыз Республикасынын Эмгек сиӊирген мугалимдери, педагогика илимдеринин кандидаттары, доценттер, улуттук тренерлер дагы болду. Ошондой эле фестивалга 650дөй талантуу окуучулар катышты. Эс алууга айкалышкан жайкы окуу 6 күнгө созулса да, келген катышуучулар