ТОШКЕНТ – "210-мактабнинг юқори синф ўқувчилари тозалаш ишларига мажбурланмоқда"

ТОШКЕНТ. "Тошкент шаҳридан ёзмоқдамиз. 210-мактабнинг юқори синф ўқувчиларидан келиб, ўз синфларини тозалаш ва янги ўқув йилига тайёрлаш талаб қилинмоқда. Бундан эса биз – ота-оналар норозимиз. Аслида, мактаб таъмири май ойида бошланган эди. Аммо тўрт ой давомида бир неча синф таъмири якунланди, холос. Иш ўлда-жўлда бўлиб ётибди. Директор мактаб 5 сентябрда тайёр бўлади, деб ваъда бераётган бўлса-да, бунга ишониш қийин. Бу ҳам етмагандек, болаларни тозалашга мажбурлашмоқда. Биз фарзандларимиз шинам, озода шароитда таҳсил олишини истаймиз, уларни ҳашарга жалб этишларига эса қаршимиз". (Бу хабар Озодликка 20 август куни келган.)