Хэжэнгэ - буян хэшэгэй орон

Субаргануудай нютаг гээд Хэжэнгын аймаг холо ойгуур алдаршанхай. Энэнь дэмы бэшэл хаш даа. Непалай субаргада тон адли Джарун-Хашорой субарга имагтал Хэжэнгэ нютаг дээрэ дахин һэргээгдэнхэй ха юм. Урдань ехэ субаргын хажууда үшөө 8 субарга байдаг һэн гээд аха захатан хэлсэгшэ һэн. Алдаһанаа һэргээе гэжэ Хэжэнгын ламанар, олониитэ хэлсээд, Бурхан багшын тэмдэгтэй 8 субарга шэнээр барижа, 2012 оной сентябриин 9-дэ баярай оршондо арамнайлба.