İmam Əlinin mövludu

bu gün, rəcəb ayının 13-ü Həzrət İmam Əli ibn Əbu-Talibin (ə) mövlud günüdür. Həzrət Əli (ə) "Fil" ilindən 30 il sonra, miladi təqvimlə təxminən 600-cü ildə dünyanın ən müqəddəs məkanı hesab edilən Kəbədə dünyaya gəlib. Həzrət İmam Əli ibn Əbu-Talib (ə) Kəbədə dünyaya gəlmiş, tərbiyəsini və təlimini Peyğəmbərdən almış, Peyğəmbərin yerində yatmağı qəbul edərək onun həyatını xilas etmiş, barəsində çoxsaylı ayələrin nazil olduğu, Əhli-beytin üzvü, imamlar atası, Bədr döyüşündə bütpərəstlərin məğlubiyyətə uğramasına əsas səbəb, Xəndək döyüşündə bütpərəstlərin sərkərdəsi Əmr ibn Əbdəvüddü məğlub edən, Xeybər döyüşünün qəhrəmanı, Peyğəmbərin müsəlmanlara təyin etdiyi xəlifə və digər yüzlərlə fəzilətlərə malik olan yeganə şəxsdir. Atası Əbu Talib, anası isə Fatimə binti Əsəddir. İslam peyğəmbəri Həzrət Məhəmmədə ilahi vəhy ilk dəfə nazil olan zaman Həzrət Əli (ə) İslamı qəbul edən ilk kişi olmuş və həyatını bu dinə həsr etmişdir. Səsləndirdi : İsmayıl Qajar