Тюрюш!

Халыкара Җир-Ана көне

22 апрель-Бөтендөнья җир көне.
Бу бәйрәмнең төп максаты – Җир шары проблемаларына, аерым алганда, әйләнә-тирәлек проблемаларына игътибарны җәлеп итү.
Гадәттәгечә бу көнне төрле экологик чаралар һәм акцияләр үткәрәләр, экология дәресләре, су буйларын , елгаларны , урамнарны, тау башларын чупчардан арындыралар; агач, чәчәк утырталар, өмәләр утә. Һәр битараф булмаган кеше экологияне сакап калу өчен үз өлешен кертә ала.
Бәйрәмнең символы булып Дөнья кыңгыравы тора. Ул халыклар дуслыгын, муллыгын һәм бердәмлеген гәүдәләндерә. Кыңгырау планетаның гүзәллегенә һәм аны якларга кирәклегенә игътибар юнәлтергә чакыра.

Өмәләр

Яз җитү белән тирә-якны чистарту өмәләре башлана. Рәсми игълан ителгән шимбә өмәләреннән тыш та әллә күпме өмәләр үтә безнең авылда.
Түреш авылында булган оешма хезмәткәрләре, мәктәп укучылары, авыл халкы мондый чараларда актив катнаша. Алар үз территориясендә генә түгел, тирә-якны да тәртипкә китерә.
Бу атнада авылда "Җинү Паркы", почта, клуб, балалар бакчасы, сельсовет территорияларында шимбә өмәләре гөрләде. Кем көрәк, кем тырма, кем башка корал белән дигәндәй, тирә-ягын чистартты.
Алда тагын да өмәләр көтә әле.

21 апрель - җирле үзидарә хезмәткәрләре көне

18 апрельдә Буздяк авылында җирле үзидарә көненә багышланган бәйрәм чаралары үтте. Командаларга бүленеп ярышлар үтте. Үткән елга йомгаклар ясалды.
2023 ел нәтиҗәләре буенча эштә зур казанышлар өчен, махсус операциядә катнашучыларга гуманитар ярдәм җыю, 2023 ел дәвамында региональ конкурсларда һәм проектларда актив катнашулары өчен, Түреш авыл Советы, Рәхмәт хаты белән бүләкләнде.
2024 елгы сайлау кампаниясендә актив катнашкан өчен, сайлау участогы комиссиясе рәисе урынбасары Милеуша Зиннатуллина ; сайлау комиссиясе председателе Гулшат Халикова -Рәхмәт хатлары белән буләкләнде. Сезне лаеклы бүләкләрегез белән котлыйбыз. Барыгызга

19 апрель - Милли костюм көне

Милли кием - халыкның бөтен тарихы, ул төс, форма, бизәк аша җиткерелә һәм аның күп яшерен серләрен ача. Һәрбер халыкның милли костюмы - уникаль күренеш, озын тарихи сәяхәт нәтиҗәсе, традициягә тугрылыкның гармонияле бәйләнешен һәм тышкы дөньяга ачыклыкны күрсәтә.

Авиация һәм космонавтика көне белән котлыйбыз!

Космонавтика көне - 12 апрельдә космоска беренче очышны искә алу өчен билгеләнгән көн.
Бу бәйрәмдә мин барыгызга да сәламәтлек, яңа ачышлар, чыдамлык, оптимизм, бәхет һәм уңышлар телим!

Изге Рамазан ае

Быел 11 нчы мартта уразаның беренче көне, 10 нчы мартта мәчетебездә беренче тәравих намазы укылачак. Рамазан аеның килүе,безнең һәрберебез өчен зур нигъмәт. Аны чиста күңел, изге ниятләр белән каршылыйк, гөнаһ-хаталарыбызга тәүбә итик. Рамазан ае безнең өчен тәкъвалыгыбызны арттыра, калебләребезне пакъләндерә, сәламәтлегебезне ныгыта торган ай булсын.
Раббыбыз Аллаһ һәрбарчабызга мәрхәмәтен, мәгъфирәтен насыйп әйләсен, изге ниятләребезгә ирешергә көч- куәт бирсен! Аллаһы Тәгалә биргән нигъмәтләргә шөкер итеп, бер-беребезне хөрмәтләп, үзара ярдәмләшеп, бер-беребезгә үрнәк булып яшик. Аллаһы Сөбхәнәһү вә Тәгалә тоткан уразаларыбызны, кылган гамәл-гыйбадәтләребезне кабул итсен,