---------- ОНАЖОН ---------

Дунёга бандаси эканда меҳмон,
Энг катта душманим бўлди пушаймон,
Бир кун очиқ кетса, кўзимга армон...
Дийдорингиз қайдан топай, онажон?!
Хеч ким оро кирмас, жонимга мани,
Сиздай дўст топилмас ёнимга мани,
Ғам шерик, ўтган ҳар онимга мани,
Дийдорингиз қайдан топай, онажан?!
Сиз йўқсиз, юрагим мисли муз қотган,
Боиси ғанимлар, унга тош отган,
Маликаман, саройи ҳувиллаб ётган...
Дийдорингиз қайдан топай, онажон?!
Борини пойимга тўкиб, элаган,
Болам деб, луқмасин тўйиб емаган,
Қанча ранжитсам ҳам, ёмон демаган...
Дийдорингиз қайдан топай, онажон?!
Ёр бу-тақдирни жуфт берган улуши,
Фарзанд-танни танда хаёт суриши,
Сизсизлик шохимда илдиз қуриши...
Дийдорингиз қайдан топай, онажон?!
Не бўлар, бир бора қайтиб келсангиз,
Мунгли аллангизни айтиб келсангиз,
Адолар бўлганман агар билсангиз...
Дийдорингиз қайдан топай, онажон?!
Дунёга бандаси эканда меҳмон,
Энг катта душманим бўлди пушаймон,
Бир кун очиқ кетса, кўзимга армон...
Дийдорингиз қайдан топай, онажон?!