"Мусофир Юртида хаёт ташвишларига боғланиб, Онасини У дунёга кузата олмаган йигит дарди"...

Сукунат, ҳуш сабо эсган маҳалда,
Дардимни биргина унгга ёраман,
Дилимни очаман, тополмай далда,
Онам йўқ ҳовлига к,андай бораман!?
Фиғоним фалакда, бўғзимда алам,
Музлар ҳам босолмас, дилдаги чўғни,
Атрофдан бирровга қараса одам,
Омад ҳам йўқламас онаси йўқни!!!
Сирдошим, бошимда порлаб қуёшим,
Маҳшар томон кетди, ўйлар сураман,
Не қилай, қай тошга урайин бошим,
Онам йўқ, ҳовлига қандай бораман...
Йиглайман, кўз ёшим киприкда қотган,
Соғинчнинг қуёши дилимга ботган,
«Ўғлини соғиниб, интизор ётган»
Онам йўқ, ҳовлига қандай бораман???
Баҳтимни ўйлаган, «Метин, бардошим»
Тушимда кўрсайдим Онам, зора ман,
Ютолмай, минг бора чайнаган ошим,
Онам йўқ ҳовлига қандай бораман???
Осмоним ёритган, юлдузлар сўнгган,
Бардошим индамай тақдирга кўнган,
«Бағрига ўғлининг дийдорин кўмган»,
Онам йўқ ҳовлига қандай бораман???
Жигарлар чақирса, «Кел» деб, Интизор,
Зор кўнглим қумсайди, мағзун Онамни,
Кенг дунё бир менгга келаяпти тор,
Аламга тўлдириб, кўнгилҳонамни...
Кечикдим, мусофир юртида юриб,
Бир лаҳза, бу ерда қолгим келмайди!
Афсусдек, «К,ил кўприк»да туриб,
Онам йўқ ҳовлига боргим келмайди!!!
Шундайин, кечикган умрида буткул,
Чорасиз йиғлаган, кўкси пораман,
Қўлимда титрайди, мендек, «Даста гул»,
Онам йўқ ҳовлига қандай бораман???!!!
(Илтимосга биноан ёзилди)
Юсуфий...Жиззах.Ёнбоштут...
Санкт-Петербург.20/11/2017й...