.......

Мусофирлик......
Молу давлат топай дея юртлар кездим,
Ёшлигимдан меҳнат қилиб ишдан бездим.
Умрим ўтиб бормоқдаку буни сездим,
Мусофирлик жонимдан ҳам ўтиб кетди.
Ўн беш ёшда далаларда кетмон чоптим,
Совуқ билмай чайлаларда ёлғиз ётдим.
Шунча меҳнат эвазига нима топдим,
Мусофирлик жонимдан ҳам ўтиб кетди.
Оғир ишлар қилавериб роса толдим,
Ўзга юртда қишин ёзин ишлаб қолдим.
Соғинганда кўзларимга ёшлар олдим,
Мусофирлик жонимдан ҳам ўтиб кетди.
Чарчаганда бироз ухлаб дам олмасман,
Эрталабки иш вақтидан кеч қолмасман,
Ўн бир соат тик турсам ҳам ғинг демасман,
Мусофирлик жонимдан ҳам ўтиб кетди.
Баъзан йиғлаб, баъзан кулиб куним ўтар,
Юраккинам ҳомуш бўлиб дардим ютар.
Бир кун келиб бу кунлар ҳам ўтиб кетар,
Мусофирлик жонимдан ҳам ўтиб кетди.
Фарзандларим тушларимда кўриб турсам,
Ҳар кечаси улар ҳақда ҳаёл сурсам.
Сиртимдамас ич ичимдан йиғлаб юрсам,
Мусофирлик жонимдан ҳам ўтиб кетди.
Баъзан юрак ситамлардан тўйиб кетар,
Шунча азоб чекдим энди бўлди етар,
Улуғбек ҳам шеърларини қалбдан битар,
Мусофирлик жонимдан ҳам ўтиб кетди.
*Улуғбек*