Bir kun tasodifan, bir kuni behos,

Yana shu yoʻllarda kelib qolsak duch…
Faqat oʻsha kuni qiziqdir biroz
Jimgina ketishga boʻlarmikan kuch…
Agar sukutlarga yetsa jur’ating,
Men tomon aqalli solmasang nazar…
Dilda oʻlgan boʻlsa chin muhabbating,
Men oʻsha sevgidan qilaman hazar…
Bir kun tasodifan uchrashsak agar,
Javobsiz savollar yonar gulxanda…
Nega bir izoxsiz, bermayin xabar,
Ketganing sababin aytgin oʻshanda…