Она
Ёдимдан чиқмайсиз бир лаҳза, бир он,
Тонг отар, кун ботар, сизсизлик ҳамон,
Соғинчдан юрагим санчмоқда ёмон,
Қабрингиз оралаб кезяпман, Она,
Армон бўлганингиз сезяпман, Она!
Юзимга боқсангиз ғамни кўрасиз,
Киприклар остида намни кўрасиз,
Мукчайиб эгилган дамни кўрасиз,
Тутаган чанг каби тўзяпман, Она,
Армон бўлганингиз сезяпман, Она!
Бу ғариб бошимга жабрлар хил-хил,
Соғинчлар дастидан юрагим чил-чил,
Сиз сафар кетдингиз, бугун бўлди йил,
Баъзида туз тотмай озяпман, Она,
Армон бўлганингиз сезяпман, Она!
Баъзида ситамлар айладим тортиқ,
Гуноҳлар оширдим ёмондан ёртиқ,
Сизга жабр этдим ўзимдан ортиқ,
Эслаб юрагимни эзяпман, Она,
Армон бўлганингиз сезяпман, Она!
Расмингиз кўрган чоғ бир