Асия Шайхутдинова

КОРБАН ИТЕН АЛГАЧ НИНДИ ДОГА КЫЛЫРГА?

Пәйгамбәребез ﷺ: "Әгәр дә сезгә бүләк бирсәләр, сез дә аңа бүләк бирегез, бирә алмасагыз, дога кылыгыз", – дигән. Корбан итен алгач укый торган аерым дога юк. Үз телеңдә Аллаһтан: "Йә Раббым! Үзеңнең ризалыгыңа ирешү өчен корбан чалучы бәндәңне бәла-казалардан сакла, әҗер-савабын кыямәт көнендә дә бир, җәннәтле ит. Дога өмет иткән барлык әрвахларының рухын шат кыл, аларны да җәннәтле ит. Йә Раббым! Сәдака бирүчегә күркәм холык, күңел тынычлыгы, йомшак фигыль, тулы иман, сәламәтлек, ике дөнья бәхетен, ике дөнья шатлыгын, ике дөнья рәхмәтен, ике дөнья бәракәтен, ике дөнья уңышын ирештер. Гомеренең дә, кылган гамәлләренең дә ахырын хәерле ит!..