Niyati pok bo'lsa har kimning agar,
Gul, giyoh o'rniga gavhar o'stirar.
Kechagi kun - tarix. Ertangi kun - kelajak. Bugungi kun - siz uchun ilohiy sovg'a. Shu bois ham bugunning har bir daqiqasi, har lahzasini ezgu ishlarga sarflang. Sizni ranjitganlarga aslo yomonlik bilan javob qaytarmang, aksincha, yaxshilik qiling. Hech qachon yaxshiliklaringizni minnat qilmang, bu bilan maqtanib ham yurmang. Bugunning imkoniyatlaridan foydalanib qoling. Zero, ertaga bunday imkoniyatlar kelmasligi mumkin. Bu borada quyidagi satrlar so'zimizga isbot bo'la oladi:
Ey do'st, nima desang
degin shu bugun,
Yuragingda qolmasin tugun.
Armon uzun, nadomat uzun,
Ertaga bugunni topib bo'larmu?!