Fikringizni baham ko'ring
Gar chorlasang borarman uchib,
Soylar emas daryoni kechib,
Tunlar bedor surating quchib,
Visolingni orzu qilarman.
Ishqning yo'li azob va xatar,
Yozsang agar katta bir asar,
Visolingga etkungga qadar,
Visolingni orzu qilarman.
Bemorman men ishqingda seni,
Qiynoqlarga qo'ydingda meni.
Visolingga etsaydim qani,
Visolingni orzu qilarman.
Bir oyog'im ko'changda qoldi,
Majnun debon do'stlarim kuldi,
Nahot vasling armonim bo'ldi,
Visolingni orzu qilarman.