Сябры мае дарагія, віншую вас з апошнім веснавым дзянёчкам! Няхай лета будзе мірным! Цяпла, святла і дабрыні ўсім! А я вырашыла пахваліцца чарговым поспехам- мая падборка вершаў у рэспубліканскім часопісе “Маладосць”. З такой аптымістычнай назвай: “Любі жыццё!”
ХРЫСТОС УВАСКРОС! Светлага Вялікадня, паважаныя вернікі! Міру! Дабра! Шчырасці! Любові да Бога і бліжняга свайго! Віншую маіх дарагіх сяброў і падпісчыкаў сваім вершам "ЗВІНЯЦЬ ЗВАНЫ"
Сёння ў Клецкім РДК адбылося цудоўнае мерапрыемства. Дзякую Вам, шаноўныя землякі з вёскі Галынкі, што Вы прачыталі маю кнігу пра вайну і так па-майстэрску выкарысталі ў сцэнарыі вершы з яе. Прыемна было быць у зале ў якасці ганаровай госці. Гэта быў сапраўдны спектакль. Слез не стрымаць! Памятайце, людзі, пра вайну, каб яна ніколі больш не прыйшла на нашу светлую зямлю!
Сённяшняя раніца пачалася сустрэчай з гімназістамі г.Клецка. У рамках ХІІІ Педагагічнага марафона “Педагог— якасць, даступнасць і развіццё” адбыўся раённы дзень бібліятэкара. Якія мілыя і разумныя дзеці! Як чулліва і з хваляваннем яны чыталі вершы пра вайну… А потым мы гулялі ў перадачу “100 пытанняў даросламу” . Па водгуках дзяцей і прысутных, я годна вытрымала гэты слоўны лівень ад цікаўных “чамучак”) Малайцы, гімназісты і іх педагогі! Асаблівы дзякуй Фаіне Васільеўне за запрашэнне. З задавальненнем бываю ў гасцях у гімназіі.