Сёння ў Клецкім РДК адбылося цудоўнае мерапрыемства. Дзякую Вам, шаноўныя землякі з вёскі Галынкі, што Вы прачыталі маю кнігу пра вайну і так па-майстэрску выкарысталі ў сцэнарыі вершы з яе. Прыемна было быць у зале ў якасці ганаровай госці. Гэта быў сапраўдны спектакль. Слез не стрымаць! Памятайце, людзі, пра вайну, каб яна ніколі больш не прыйшла на нашу светлую зямлю!
Сённяшняя раніца пачалася сустрэчай з гімназістамі г.Клецка. У рамках ХІІІ Педагагічнага марафона “Педагог— якасць, даступнасць і развіццё” адбыўся раённы дзень бібліятэкара. Якія мілыя і разумныя дзеці! Як чулліва і з хваляваннем яны чыталі вершы пра вайну… А потым мы гулялі ў перадачу “100 пытанняў даросламу” . Па водгуках дзяцей і прысутных, я годна вытрымала гэты слоўны лівень ад цікаўных “чамучак”) Малайцы, гімназісты і іх педагогі! Асаблівы дзякуй Фаіне Васільеўне за запрашэнне. З задавальненнем бываю ў гасцях у гімназіі.
З Дабравешчаннем, дарагія! Аховы Вам і міласці Божай! А я сёння прыняла ўдзел у цікавым мерапрыемстве ў Нясвіжы — літаратурна-музычным фестывалі ‘Русь і Белая Русь — адзіныя’. Дзякуй шчыры арганізатарам за цудоўную сустрэчу, увесь дзень быў распісаны з ранку да позняга вечара. Дзялюся некаторымі момантамі свята з вамі, мае шаноўныя сябры!
ПАЭТ НЕ ПАВІНЕН ЗМАЎЧАЦЬ... Як жа баліць… Як пульсіруе ў скронях… Сэрца нямее, і студзіцца кроў! Чорная дата чарней стала сёння. Лічым ахвяры бязвінныя зноў. Дваццаць другога нуль трэцяга… Божа! Чым награшыў гэты дзень веснавы? Сонейка ў небе свяціла прыгожа, Гледзячы ў люстра рачулкі-Масквы. Людзі натоўпам ліліся да цэнтра, Кожны да спешкі даўно ўжо прывык. Зала кішэла ў чаканні канцэрта: У “Крокус Сіці” – рок-група “Пікнік”. Больш за шэсць тысяч паклоннікаў шчырых Сем’ямі, з дзеткамі ў залу прыйшлі. З добрым настроем, з букетамі, з мірам… Вечар “Хатынь” паўтарыў на зямлі. Вырадкі, нелюдзі, монстры, пачвары, Гады двуногія… Выйшлі на бой… Кроўю кіпелі звярыныя твары, Рукі ўзнялі