ЧИМИЛДИҚДАГИ НАСИҲАТ

Келинпошшо, мен ўзим инжиққина боламан,
Беэътибор бўлсангиз, хафа бўлиб қоламан,
Ақл, ғайрат, зийраклик насиб қилган йигитман,
Бургани ичагига, ҳасип қуйган йигитман,
Ёр бўлсангиз менга чин, айтайин бир дардимни,
Кирмасангиз гапимга, тополмайсиз гардимни,
Яхши, ёман феълимга кўнмасангиз бўлмайди,
« Гаҳ » деганда қўлимга, қўнмасангиз бўлмайди,
Ҳар кун қошга ўсмаю, кўзга сурма сурасиз,
Парийлардай қошимда, таъзим билан турасиз,
Ишда минга не амал, пешонамдан кўраман,
Амма уйда биргина, « пошшо» ликка кўнаман,
Ҳамма пайт, ҳамма вақт «лаббай » дейсиз чақирсам,
« Қуллуқ » дейсиз баъзида, фелим келиб бақирсам,
Атрофимда айланиб, мен инжиқни овутинг,
Не қилсангиз қилингу, аччиғимдан совутинг.
Чиройингиз, нозингиз бўлсин фақат меники,
Бетабассум, бепардоз кўринмангиз кўзимга,
канизагим бўлсангиз, ширин сўзу, мулойим,
Шунда сизни бошимда кўтараман, гулойим.