ХОТИН КЕТИБ КОЛГАНДА...

Аразда қайнонамга
Феълимни айтиб келди
Хабар етгач онамга
Хотиним қайтиб келди
Бир ой юрди уйида
Адо бўлдим кўйида
Бир ошнамни тўйида
Хотиним қайтиб келди
Қиттай-қиттай отгандим
Роса терга ботгандим
Бир қизга гап сотгандим
Хотиним қайтиб келди
Бўйдоқман дедим қизга
Кўнглим кетдида сизга
Халақит қилиб бизга
Хотиним қайтиб келди
Қиз хам кўниииб турганди
Кулиб лабин бурганди
Менга бўлганда банди
Хотиним қайтиб келди
Таърифига шеър битдим
Қулоғини қизитдим
Эшитиб турганда жим
Хотиним қайтиб келди
Ростданам кайфим ошган
Қўллар эса туташган
Қизиб турганда бадан
Хотиним қайтиб келди
Кўриб юрак шув этди
Муздек тер чиқиб кетди
Қалтираш, қўрқув тутди
Хотиним қайтиб келди