Агар кийим бош, уй жой ва ётоғингиз бўлиб, музлатгичда емагингиз ҳам бўлса, билингки, сиз инсониятнинг 75 фоизидан яхши яшаябсиз экан!!

Агар банкдаги ҳисоб рақам ёки захира сандиғида қанчадир пулингиз бўлиб, ёнингизда эҳтиёжингиздан ортгудек яна озгина маблағингиз ҳам бўлса, демак, сиз инсонларнинг энг бой 8 фоизига кирасиз экан! Агар сиз бугун беморлигингиздан кўра соғлигингиз устун келган ҳолда яшаётган бўлсангиз, билингки, жуда буюк неъмат ичидасиз. Чунки дунёда ҳар куни бир миллиондан ортиқ инсон касалликдан вафот этмоқда! Агар сиз жанг майдонида бўлмасангиз, зулмдан азоб чекаётган маҳбус бўлмасангиз, очлик аламини тотмаётган бўлсангиз, билингки, ҳозирда мазкур машаққатларга гирифтор бўлиб турган 500 миллиондан ортиқ инсондан афзал ҳолатда экансиз! Агар мана шу ёзганларимни ўзингиз ўқиб, тушунаётган бўлсангиз, демак, сиз ўқиш ёзишни билмайдиган 3 миллиард инсондан афзал ҳолатда экансиз!! Аллоҳим! Беҳисоб неъматларинг, чексиз марҳаматинг учун Сенга ҳамду шукрларимиз бўлсин! «Агар Аллоҳнинг неъматини санасангиз, ҳисобига ета олмассиз. Албатта, Аллоҳ сермағфират ва кўп кечиримлидир».