ФЕСТЫВАЛЬ НАВУКІ Ў МІНСКУ

Пляцоўка “Гісторыя і традыцыі”
Мінчане і госці сталіцы рознага ўзросту наведалі інтэрактыўную пляцоўку, прысвечаную Язэпу Драздовічу. Некаторыя адкрывалі для сябе творчасць мастака, іншыя, а такіх была большасць, ужо ведалі пра нашага таленавітага земляка.
Сярод наведвальнікаў шмат моладзі, бацькоў з дзецьмі і дапытлівых дарослых.
Нямногія ведалі, што Язэп Драздовіч захапляўся астраноміяй, космасам. Шмат яго твораў і тэарэтычных распрацовак прысвечана гэтай тэме. Увогуле, Драздовіч – гэта пачынальнік тэмы космасу ў беларускім мастацтве.
Збываюцца прарочыя словы Язэпа Драздовіча: “Мяне яшчэ пашукаюць”. Сапраўды, госці музейнай лакацыі знайшлі для сябе шмат новага і цікавага з жыцця і творчасці мастака і стварылі свае маляванкі.