Бурулкан Карагулова: Турсий Бүгүнкү күндөгү эң актуалдуу темага аңгеме. Ушу сөздүн кандай жазылышын билбей койдум. Труса, трусий, турсий, турси же трусик… кандай айтса деле түшүнүктүү боло берет, айтор шымдын ичинен кийген кыска ыштандын окуясын жазайын дегем. Аны мага Зарина айтып берип атат: — Арыраакта жашаган бир келиндин күйөөсү үйүндө жатып эле өлүп калды. Ыраса боорубуз ооруду. Келин иймейгенден иймейген, бөлбүрөгөн неме эле, ого бетер болбой калды шайы кетип. Эшигине жакын жерден күндө өтөбүз, себеби, жолубуз ушундай. Эшик алдындагы тартылган зымда кийинчерээк бир эркек турсий илинип туруп калчу болду. Аның эмнең деп сурагандарга, эри бар экен деп ойлошсун, ар ким эле жыртактап келе бербесин дегем,- дептир. Аны укканда: — Ии, бечара, анан эмне кылсын?- деп боор ооруп койдук. Ошол күйөөсүнөн калган жалгыз турсийди ар башка кылып, аласын ары каратып, же бери каратып, же оодарып алмаштырып жайып коёт. Адегенде боорубуз ооруп жүрчү, кийин күлүп калчу болдук. Себеби, күйөөсүнүн өлгөнүнө о бир топ болуп калган. Анан эле бир күнү турсийи алмашылып калыптыр. Бир турсийди карап көзүбүз көнүп калган эле да. Бирөөсү жаңы сатып келип койсо керек десе, кээси: — Ка-ап, акча коротпой бизден эле сураса болмок экен, берип коёт элек,- деп тамашага чалышты, болгондо да эркектер айтып атты. Бирок ошол турсий кашайып эле мага тааныш болуп туруп алды. Себеби, мындай турсийлерди чанда гана кишилер кийишчү, акыркы маркадагы эле. Күмөнчүл жаным бир күнү үйгө жетип келип эле шкафты ачып күйөөмүн парашюттарын карадым. Дал ошол Суриянын үйүндөгү илинип турган турсийи жок болуп чыкты. Адегенде шамал учуруп кеткендир деп ойлодум. Кайра жууйм деп сыртка унутуп коюп, ит тиштеп Суриянын үйүнө апарып таштагандыр дедим. Балким кийип кеткендир деп, өзүмдү жубаттым. Шымын шыпырып карап көрөйүн десем, эрим иштен жакында келбейт. Үй куруп атам деп кайсы бир алыскы айылдарга кеткен. Же азыркыдай сотка жок, дароо чала коюп: “Кайсынысын кийип кеттиң эле? — деп сурай коюуга. Эртеси ишемби, жекшемби болгондуктан ишке барбай үйдө эс алып калдым. Кайдан эс алам, тигинин кирлерин, өзүмүн, эки баламын, анан шейшептерди жууп, иши кылса суй жыгылдым. Эрте менен ишке баратып, Суриянын тигиниси турабы деп карасам, кудай сакта, күйөөмкүндөй кыпкызылы жайылып калыптыр. Бул эмне эле менин күйөөмкүндөй турса сатып алып атат деп ойлоорум менен мээме бир нерсе тык эте түштү да, дароо үйдү көздөй чуркадым. Шашып-бушуп кечеги парашюттарды карасам, дагы ошол кызыл турсасы жок чыкты. Кайра лакылдап Суриянын үйүнө бардым да, Сурия деп кыйкырсам, өлөсөл ити кыңкылдаганда 1-класста окуган баласы чыкты. — Апаңы чакырчы? — дедим. — Апам жок еди. — Каякка кетти? — Стройкага иштеп атат, ошоякка кетти. — Эмне кир жуугуч болуп иштеп атабы? — Йо, аш бышыргыч болуп. — Качан келет? — Эки-үч күндө бир келип кетишет. — Кетишет? Кимдер менен? Баласы унчукпай жер карады. Мен дагы тактап сурадым. Билбейм дегенден башка эч нерсе айтпай койду. Анан алдай баштадым. — Мен сага сонун бирдеке сатып берем. — Име? — Эмне кааласаң ошону, көрдүңбү? — деп капчыгымдагы акчаны көрсөттүм. — Чынбы? — Чын. — Битта ака менен келет. — Ол акаң каякта жашайт? — Билбейм. — Мурда ушул айылдан көрдүң беле? — Көргөм, бирок үйүнү билбедим. — Баса апаң кайсы айылда иштеп атты эле? — Оногу, – деп колу менен жаңы түшүп аткан Ак-Чий курулушун көрсөттү. Мен эс ала түштүм. Себеби, менин күйөөм алыска кеткен, демек, ал эмес, жөндөн жөн эле балакайга бир буюм карыз болуп калдым. Бир сомдуктан бешти сундум: — Ме гой, азырынча бир нерсе алып жеп тур, мен дагы келем,- деп ишке чуркап кеттим. Арадан үч күн өткөндөн кийин карасам баягы биринчи илинген турсий кайра илинип калыптыр. Ишемби күнү жөн эле карап коёюнчу деп, зерикпей басып келсем, боз турсий турат, дагы эле баягы көрүнүш, үйгө бармай, шкафты ачмай, ордунда жок чыгып, кайра Сурияга келмей. — Келиң, — деди баласы мени көрүп. Апасын сурасам, түндө кеч келишип, саар менен кетишкен деди. Балага ошол үйдү көрсөтчү, жүр деп ээрчитип алып жөнөдүм. Жетели деп калганда баласына 10 сом берип, артка жөнөтүп ийдим. Менин күйөөм коюп аткан паксаны жаздемдебей тааныдым. Пакса коюштан эч кимди алдына өткөрбөйт. Күн катуу ысып аткан, түштөнөр маал болуп калган. Коргону жок дубалы бүткөн үйгө кирип баратсам, — Сизге ким керек? — деди бир бала. — Толубай аке керек эле. — Эмне кылат элеңиз? — деп мени шексинип карап калды. — Пакса койдурам дедим эле… — А-а, анда кичине күтө туруң, аялы экөө душка түшүп атат, — дейт. Калтырак басып кетти. Менин күйөөм аялы менен душка түшүп атканы эмнеси, шашпа сени элеби, эми менден өлдүң деп ичимден өрттөнүп аттым. Алар кап менен тегерете тосулуп, үстүнө суу толтурулуп коюлган эски бочка орнотулган жайкы душта түшүп атышты. Деги бир ордумда чыдап тура алсамчы. Чуркап барайын дейм, жанагы уста баладан уялам. Ал кирип кетери менен шыпылдап душту көздөй жөнөдүм. Мен жеткиче эле Сурия халат кийип, чачына сүлгүнү домпойтуп оронуп чыга калды, эрим болсо ичинде калды. Мени көргөн Сурия таң калып карап туруп калды да: — Келиңиз, — деди ийбагып. — Келиңиз дейсиңби, мына келдим, и, дагы мине дегиң бар, башка дагы сөзүң барбы? Менин эрим менен жыргашып атасыңбы же мени сокур көрбөйт, дүлөй укпайт дейсиңби? — дедим эки бөйрөгүмү таянып. Ал көзүн алайткан бойдон мени карап калды. — Өлүмүш болгуң келип атабы э? — дедим да, жакын келип башындагы сүлгүсүн жулуп ыргыттым. — А-ай… — деп ооруган чачын кармап калды эле, келиштирип туруп башка салдым. Анан өзүмү кармай албай калдым. Жыга салып, тепкилеп эле жатып калдым. Ал чаңырып ыйлады. Паксанын ичинен жанагы уста бала: — Эй эже, эмне болуп атасыз? — деп чуркап келди. Душтун ичинен “Сурия эле Суриялап” кыйкырып аткан “эрим” жылаңач эле чуркап келди да, мени күч менен түртүп жиберди. Жыгылып барып кайра шарт тура калып, жанагы жылаңач киши менен тиктешкен бойдон нес болуп катып калдым. Ал: — Сенсиңби? — деген бойдон далдырап туруп калды да, жердеги Суриянын сүлгүсүн ала коюп турсий кийилчү жерин ороп калды. — Апей, сиз белеңиз? — далдырап оозумду ачкан бойдон шалк этип жерге кулап түштүм. Көрсө, эрим эмей эле бир тууган кайнагам экен. Абысынымын көзү өткөнүнө сегиз жыл болсо да үйлөнбөй жүргөн. Жер жарылса түшүп кетейин десем, жер да жарылбай койду. Өзүмдү коёрго жер таппай жандалбастап аттым. Жанагы уста, Сурия, кайнагам, мен төртөбүз арбашкан бойдон катып турабыз. Алар эмне болуп кеткенине түшүнбөй калышты. Бир турсийдин айынан шерменде болдум. Кайнагам тескери бурулуп кайра душка кирип кетти, ал “келиним мени кызганып атат” деп ойлоп калды болуш керек. Уста бала да ары көздөй келген жагына жөнөдү. Сурия дагы эле чүрүшкөн бойдон эки колу менен денесин бекем кучактап турат. — Э, Сурия э… ии кокуй, кечирип койчу, ит болдум. Сенин күйөөң менен экөө жүрөт дешкенинен издеп келген элем. Акеме айтып түшүндүрүп кой, мени кечир, алтыным. Сенин го астыңа түшөм, эми акемди канттим? Бетим күйүп калды, өлдүм. Бактылуу болгула, менин тилегим силерге жакшылык, — дедим да бетимди табактай кылып салаңдатып ордуман туруп, келген жолума түштүм. Үйгө үшкүрүп, онтоп араң келсем, күйөөм келип калыптыр. — Кайда жүрөсүң? — дейт. Мен турсий жөнүндө айтып бердим. — Аа, ал турсалар меники, акем бүтүнүрөөк, кийгенге жарай турган турсийиң болсо берчи, Сурияга барып атам дегенинен жаңыларын бергем, — дейт кебелбей. Мен дагы ары жагын айтып берсем: — Дени-кардың сообу? — дейт. — Билбейм, — дедим. — Дөөпай, — деди да, паксадан алып келген акчаларын ыргытып берип, уктай турган бөлмөгө кирип кетти. Мен жакшы кошуна курдашымды чакырып алып баарын айтып берип ыйладым, ал күлдү. Анан күлкүсүн тыйып мостоюп отуруп калды да: — Ай, күйөөң апкелген акчаны алып, Бишкекке кетип кал да, соода кыл, — деп акыл айтты. Аны кетирип ийип, мен кийимимди иреттеп салыштырып, күйөөмө ыраса сонун кат жаздым, эки баламды кошо табыштап мага берген акчасынын жарымын алып, түн ката жөө жалаңдап вокзалга келдим. Бишкекке бир киши болсо эле кетебиз деп турган таксиге түштүм да борборду көздөй зымырап жөнөдүм. Дароо эле Ала-Арча базарына барып түшүп, соодага аралашып кеттим. Үйүмдү, машинамды соодадан таптым. Күйөөмдү чакырып алгам. Эки балам тең үйлөндү. Сурия менен кайнагам үч балалуу болушкан. Мен бир да жолу айылга кайтып барган жокмун. Экөөнүн жүзүн эле эмес, жакындарымын да жүзүн карай албайм. Турсийдин окуясын бир эле кошунама айткам, ал да бирөөгө айтыптыр, ошол аркылуу бүт айылга жайылып кеткен. Суриянын “турсий жайган үй” деген аты калып, мени “турсийге таарынган Заринадай болбочу” деген атка кондурушкан. Өзүм гана кээде күйөөмө айтып калбасам, ал бечерам эстебейт деле. Ал адегенде мени кектеп таарынып жүргөн, качан гана ишим жүрүшүп, андан алган акчаны үч эселеп кайра өзүнө салып ийгенимден кийин гана таарынычы жазылып менин артыман келди. Шаарда деле паксачылык кылып иштейт. Буга паксаны чабалекейдин үйүндөй кылып тегиз койгонду жанагы кайнагам, Суриянын күйөөсү үйрөткөн. Кайнагамын аты Тогузбай болгондуктан Толик деп коюшчу. Мен Толубай керек эле деп барганда баягы уста бала Толик акенин аты ушундай го деп ойлоптур да. … Зарина күлбөй, мостоюп туруп айтып бүттү. Менин күлкүм келди эле, бирок тыйдым. Ал мени менен коштошуп Баткен базарын көздөй кетти, мен 8-троллейбуска чыгып, орундукка тескери карап отуруп алып боорум эзилгиче күлүп келаттым…
Comments 13
Likes 14
Жүрөк ыйлаткан көз ирмемдер Нуриянын бир постунан Идрис Айтбаевдин мигранттарга жүрөгү ооруп,өмүрүңөрдүн көп учурун кабат-кабат үй салам деп өткөрүп жибербегиле деген маанидеги сөзүн окуп калып,ага пикир жазган болчумун.Ал пикир көп окурмандардын жүрөгүн ыйлаткан го,пост кылып чыгаруумду суранышты...Албетте,толуктадым... Заманга жараша адамдардын талабы,керектөөсү да улам өсүп жатканы маалым,балдарым жакшы жашасын, аларды окутайын, үйлөп-жайлайын, жакшы там салайын деген максат менен чет жерде канчалаган жердештерибиз эмгектенип жүрүшөт.Жараткандын алыска болсо да чачып койгон ырыскысына ыраазы болосуң. Сыртта жүргөндөрдүн арасында баарыбыздын жакындарыбыз бар,алар менен кошо кубанып да,кайгырса кошо кайгырып жүргөнүбүз төгүн эмес.Ошолор тынч болсо экен деп тилеп жүрөбүз, жакшы ниет менен салып жаткан үйүңөрдө жашоону насип этсин...🙏🙏🙏 Үйлөрдү көрүп,көзүң сүйүнүп калат, " ээ,кыргыздын балдары да байый баштаптыр" деп...бир жагынан ал деле керек,өсүш,өнүгүш керек... БИРОК,өнүгүштүн ордуна көрүнүш керек деген ой жашап калганы жакшы эмес,балдарын 1 жашынан жакындарына таштап, мектепти бүткөндө барып,балдары менен тил табыша албай калгандар,тарбиясы өксүп калгандар канча дейсиң...Жер көз болуп,кагуу жеп чоноюп жаткандар,кусасы ичине толуп,көргөзбөй ыйлап жүргөндөр эле канча ...😢 Баары эмес дечи,сонун тарбия берип, карап-багып ,балдарынын бутуна туруп алышына көмөктөш болгон ата-энелер бар,ошондо да,калтырып кеткен балдары өз атасын, апасын сагынып жашап жатканы көздөрүнөн байкалып турат .Мен мугалим катары жүрөк ооруткан окуяларга көп күбө болуп жүрөм,балдары жүдөп кеткенин көрүп,"дүнүйөң менен жерге кир " деген күндөрүм болгон,же сабактан начарлай баштаганда изилдесең,апасы чет жерге кеткен болот,акча,үй проблемасы менен,а тарбия деген очойгон көйгөй артка жылып кетет, айласыздан... Дагы бирөө небересин күн алыс алып калат сабактан,же жооп сурап кетет,жооп бербей койсом,ыйлап жиберди,тайнем урушат,карындашымды да кошуп алып кетишим керек,ишти бүткөрбөсөк,кеч кулак-мээни жейт деп.. 😢бирок,апама айтпаң,ал билсе,капа болот, кыжалат болот дейт...😢 Телефондон күлүп сүйлөшкүлө дейт экен,неберелерин... Айта берсең,ыйлачу жагдайлар толтура... Кантсе да,аман жүргүлө,өз арабаңарды тартып,жакшы тилек менен жүрөсүңөр,кудай бекем ден соолук берсин, тез эле байып кеткиле да,балдарыңар менен чогуу өз мекениңерде жашоону насип этсин...🤲🤲🤲 Дагы бир нерсе эсиме түшүп кетти,бирөө эки этаж үйүн бүтүргөн,Оштон да үй алды эле,бирок ,бир күн да жашай албады ал үйүндө...Кудайым пендесине мындай азап бербесе экен,😢ошол жактан кырсыктап ,сөөгү келди...😢 Жараткан баарыңарга өмүр берсин,эсен-аман мекенге, жериңерге, балдарыңардын,ата-эненин маңдайына келгиле...🙏🙏🙏🤲🤲🤲 Ошол күнү мессенжерден бирөө мага чалып,"эже,окуп алып ыйладым,анан,сиз менен бөлүшөйүн дедим эле" деп,жүрөк ооруткан окуяны баяндап берди... Мен да турмуш босогосун аттап,өз кесибим менен иштеп жүргөн элем,эки уулдуу болуп калганыбызда, кайним үйлөндү, көп өтпөй болбогон нерселерден уруш көбөйүп,жашоо оорлошо баштады.Менин тапкан акчамды кайын энеме берем,а жолдошум сезондо чарбачылык иштер менен болуп,калган убакта бош жүрөт.Үй салып бөлүнүп чыгып кетүү жөнүндө ойлонобуз, бирок,чамабыз жок.Достору баары Россияда иштеп жүргөн үчүн, дароо эле телефон чалып,иш караштыра баштадык. Менин иштеген ишим,анан балдарымды кимге калтырам деп,бушайман болдум. Апам "карап берейин,үй салып алгыла" деп алып калды.Алгач көнө албай жүрдүм, оюмдун баары эле балдарымда... Ошентип,эки жыл иштедик,акчаны жолдошум апа-атасына салып жатты, өз эсебизбизде үйдү тургузганга жетип калды деп айылга келдик, бир жумадай балдарым, тууган -урук менен учурашып,алаксып жүрдүк.Анан эле таң эрте жолдошумдун кабагына кар жаап,үйүндөгүлөр менен айтышып жатканын угуп,сөз биздин жөнөткөн акча жөнүндө болуп,чоң үйдүн маңдайына салынган времянканын ошол каражатка бүткөнүн угуп,шалдайып отуруп калдым. ---Элдин балдары 2 этаж кылып,атасынын отурган үйүн бүтүрүп жатат,сен ушул кичине тамга ичиң ачыштыбы?Кыйналып акча тапсаң,мен да кыйналып баккам сени. --Бул времянка азыр зарыл беле,мен теңдүүлөр үйлүү болуп калышты,ата,өз акчама салып алайын десем,аны да иштетип коюп,"жашсың али,дагы иштеп таап аласың" дейсиз,мени деле аяп койсоңуз, кичинеңизди эле карай бербей. --Сен дагы иштеп келе бер,мен деле карап турбайм, жардам берейин...мени менен эсептеше бербей,- деп,сыртка чыгып кетти.Үйдүн планын түзгөн боюнча акча жок отуруп калаарыбыз ойго келбеген. Жоодар жер тиктеп бир саат отурду,мен ичимден ыза болгонум менен,сөз айта албадым,айтканда не пайда...Анан эле сыртка чыгып кетип, түн оогондо мас абалда келди,алдынан чыккан буюм-тайымды тээп ,кыйкырып жүрөт... Араң тынчтандырдык.Таң атаары менен кайын энем сүйлөнүп,экөөбүзгө"Тез келген жагыңарга кеткиле,тынч жашообузду бузбай,ширин жашоомду ачуу кылбай " деп,каарын төгүп салды. Чын эле,бул үйгө ашыкча болуп калдык. Эрте мененки чайын ичишти, дасторконду жыйнап, эшикти жаап,чогуу бир жакка чыгып кетишти.Мен эки баламды алып,төркүнүмө кеттим,Жоодар Россияга кетчү унааларды карап келгени жолго чыкты,анткени,самолетко акчабыз жок болчу.Жаныбыздагы акчаны тууган-урукка белек, кийим-кече алып берип,түгөтүп алган болчубуз,жыйнаган акчабыз бар дегенбиз да..."Барып,бир айда эле акчаңарды жөнөтөбүз" деп сурасак,"оой, бизде каяктагы акча дейсинер " дегенде,күйүп эле кетпедимби... Ошентип,маанай түшүп,жолдо көргөн азабыбыз,үйдөн уккан сөзүбүз ашыкча болуп,салган акчабыздан кол жууп, балдарымды ыйлатып таштаганым жүрөгүмдү эзип,кайра иштеп калдык. Жоодар ар ишке бир барып, ичип келип,жарытылуу иштебей койду.Баягы адатымча, 2-3 жерден жумуш таап,чуркап эле жүрөм.Квартира акысы,жеген-ичкен, жол киреден ашырып,апама жөнөтөм, "сактап туруңуз" деп... Бир күнү тамак жасап бүтүп,Жоодарды күтсөм кечикти, жеп алып, эс ала берейин деп,эми алдыма койгондо,күндөгүдөй мас абалында кирип келди.Оңой жошоого өтүп алганына ыза болуп,ордумдан козголбодум.Анан эле,коридорго чыгып,мени чакырды"Биякты бир карап койсоң " деп...Мүнөзүн билчүмүн, кыйкырып, башкалардын да тынчын албасын деп барсам, чачымдан тартып,сыртка булкуп чыгарды.Көз ачып,жумганча эле болуп кеткен үчүн,эч ким деле байкабай калды.Сөгүнүп туруп,бет талаштыра койгондо ,көзүмдөн от чачырай түштү,өзүмө келе электе,4-кабаттан сүйрөп жөнөдү.Жаным көзүмө көрүнүп,кыйкырайын десем,кошуна орустардын пейилин билем,милиция чакырса,баарынын тынчын алам да деп, үнүмдү чыгарбай ,колунан чыкканга аракет кылып жаттым.Көп деле мас эмес экен,анткени,ылдыйдан келе жаткан кадамды угуп,токтоп калат. - Чо с Вами,все в порядке?- деп бирөөсү токтоп калса, --Даа...у нас свидание - деп коет. Сыртка чыгарып,"Кирсең,дагы ушинтип сүйрөп чыгам" деп, эшикти жаап кирип кетти.Ноябрдын аягы болчу, үшүп чыктым,жанымдын ооруганы кыйнап турса да,онтогондон коркуп турам,бутумда тапочка да жок,телефонум зарядкага сайган жерде калган.Эшикти ачайын десем,башыма катуу тийгенби, кодду да эстей албай койдум.Тилегеним эле, тааныш бирөө келип калса экен дейм... Басканынан таанып,сүйүнүп кеттим, бирге жашаган кыз жакындаганда сүйлөйүн десем,титиреп айта албайм...Мени көрүп, чочуп кетти: --Апей, сиз ичпейт элеңиз го ? Эптеп түшүндүрдүм, үстүндөгү шарфын жаба койду.Экөөбүз сүйлөшкөн шарт боюнча ал алгач кирип чыкты,Жоодар кухняда тамактанып жатыптыр.Мен көрүнбөй кирдим,таң калып тиктегендерге сөөмөйүмдү оозума алып келип,ишаарат бердим. Нурай мен түшүндүрөм дегенчелик кылып,шашылыш мени жолго даярдап жатты. Курткамды дароо кийдим, сумкамды Нурай көтөрүп,таксиге салып койду.Жолдо баратып, эжеме чалып койдум,жолго чыгып тур деп... Эжемдин босогосун аттаарым менен өзүмдү кармай албай ыйладым,сүйлөп да жаттым.Ачуусу келген эжем жөнөмөкчү болду эле,суранып калтырдым, "Ашыкча нерв коротпойлу, мен эми аны менен жашабайм,өмүр бою эсимде калчу белек тартуулады,бул белекти сөзсүз кайтарам " деп,кекендим. Түш оогондо телефон чалды,"Кайда жүрөсүң,адамды кыжалат кылып"- деп коет... --Эрте кыжалат болупсуң го,түнү издеп албады бекен дедим эле, кыжалат болчу күнүң али алдыда ,- деп,өчүрүп койдум. Жумушка чыга албай,эки жума дарыландым,Жоодар жашаган жеринен качып чыгып кетиптир,бирге жашаган кыздар улам абалымды сурап,жаңылыктарды жеткирип турушту. Ошол боюнча качып жүрдү,телефон да чалбай.Бир жылдан кийин айылга келсем,кабардар болуп жүргөн экен,дароо үйгө келди,тизе бүгүп,кечирим сурап... -Кой эми, көгөрбөй,ортодо балдарың бар,мындан жакшысын тапмак белең- деп,апам Жоодардын тарабын талашат. Телефондон эжеме отчет берип турдум,мени ургандагы сүрөттү сактап койгон экен,дароо жөнөттү,апам көрүп, түшүнө албай турду эле,атам көрөөрү менен, Жоодарга умтулду,жаны бар экен,чыга качты. --Сени да ушундай кылып тепкилеймин, анан сүйлөшөбүз экөөбүз- деп,ачуусуна алдырып,артынан кыйкырып жатты. Ошол боюнча кулагым тынчыды, дагы бир жыл иштеп келейин деп,келген убагым. Айтмакчы,Москвага кайтаар күнү апам, атам мени узатмак,каршы болгонуна карабай, эки баламды да алып алдым,аэропортко чейин болсо да ,кучактап барайын деп...Апам "жөн эле койбодуң да,уктаган боюнча калышат эле, эми ээрчип,сени да ыйлатыша бекен? "деп жатты. Убактым жетип,каттоодон өткөнү жөнөрүм менен,кичине балам мага жармашып,ажырабай койду.Чоң балама кулагына куюп келгенмин да,ыйлабай узаткыла,мени да ыйлатпагыла деп... Аны карасам,таятасына жашынып алып, ыйлап жатат,мени көрбөсүн деп.Мен да ыйлап алдым, өзүмдү урушуп жаттым,балдарымды да,апамды ,атамды да кыйнап койгонум үчүн... Азыр деле чырылдап ,мени "кетпе" деп ыйлаганы кулагыма угулуп,жүрөгүм ачышып кетет.Бир аз иштеп,кайра кайтам,атам да урушуп жатат,"жетпесе мен кошом,кел тезирээк,бир комната болсо да алып тур,ишиң бар,иштейсиң" деп,неберелерин аяп жатат."Канча үйрүлүп түшүп,жебегенди жедирип жатсак деле,сенин сүрөтүңдү тиктеп отура беришет экен,кой эми,тез кел,куса болуп кетишти" дейт,курган атам.Ошол,алыста жүргөндөрдүн баарынын эле ойлору балдарында, ойлой беришип,ооруп калганы деле чыдап жүрүшөт. Сизге айтып,бир төгүлүп алдым окшойт,балдарымды эстесем,тезирээк эле кайткым келет,ал жактагы жашоону элестетип,бир аз иштеп турайынчы дейм, сиз айткандай,тез эле байып,каражат чогултуп,мекенге кайтсак экен...Жумушка барчу убакыт болуп калыптыр,мен жөнөдүм,эже,аман болуңуз,- деп, телефонун өчүрдү... Ылайым эле тапканыңар берекелүү болсун,кабат-кабат салбасаңар да, үстүңөрдө үйүңөр болсун,ал үй кичинекей болсо да,ичи сүйүнүчкө,мээримге, жылуулукка,балдарыңардын бактылуу күлкүсүнө толуп турсун деген тилекти жараткандан тилеп жаттым. ҮСӨНБАЕВА ФАРИДА
Comments 6
Likes 124
Айлыгынан байлыгы көп Мамакеев
Comments 1
Likes 23
Comments 3
Likes 616
Кутулбогон махабат.... Мен ал убакта жогорку окуу жайлардын биринде окуучумун. Кундо эрте менен шаша-буша кийинип окууга жономой,кечке парада олтурмай. Окуудан чыгып курбуларым менен бир аз сейил бакта сейилдеп,анан кайра жатаканага кайтмай. Ушул кайталанма кун кундо. Мен аябай кыялкеч,бир аз корс,конулу бош элем. Бир-эки ооз катуу созго козумдон мончок-мончок жаштар куюлуп баштачу. Менин бул сапатымды элдин баары билчу. Ошого эч ким мени капа кылгысы келчу эмес. Мен да бул нерсеге конуп калгам. Жашоом бир тегиздикте отуп жатты. Мен ыраазы элем бул нерсеге. Мен озумо конул деле болчу эмесмин,окууну ойлоп. Жасаныш,боёнуш,модага карап кийинуу менде жокко эсе эле. Кобунчо спортивный кийимдерди,ананда шым кийип журчумун дайыма. Курбу кыздарым тиги мындай деди,тигиниси киного чакырды десе: эээ койгулачы жигиттерди-деп жиним суйчу эмес. Андайда кыздар сен муз, жок таш журоксун,сенде эч кандай сезим жок деп шылдындашчу. Мен ызама чыдабай дагы ыйлап баштачумун. Кыздар болсо соорото албай убара. Кээде мени атайы ыйлатышчу. Мындайда мен жек корчу элем баарын. Жаздыкка башымды коюп туну мн ыйлап чыкчуумун да,эртеси козумду ишитип алып окууга бара берчумун. Ошондой кундордун биринде мага мен такыр кутпогон,энсебеген ананда кутулбогон жерде,кутулбогон махабат кирип келди да, мени,менин жашоомду 180градуска буруп жиберди. Ал убакта кеч куз эле... Окуу жайдын спорттук аянтчасынан отуп бара жаткам,четте балдар футбол ойноп жатышыптыр. Аларга маани деле берген эмесмин,бир колумда китеп,бир колумда суусундук. Ушунчалык китепке берилгендиктен: этият бол,кач ары-деген создор мага айтылып жатканын деле элес албаптырмын. Бир убакта башыма келип тийген катуу соккудан жыгылып туштум,башым тегеренип,мурдумдан кан агып жатты. Ордумдан турайын дейм бирок алсызмын. Ары жакта болсо,кылган иштерине кечирим да сурабастан каткырып кулуп жатышты балдар. Анан алардын арасынан,бою узун,кен далылуу,сымбаттуу да,жылдыздуу да бир жигит келип,мага колун сунду. Ал мени акырын тургузуп,кечирим сурап,оз жуз арчысын мага сунду... Мен ун дебестен карап тура бердим. Ал мени жылмайып бир карады да,жуз аарчы менен менин жузумду арчый баштады. Ээх ошол убак... Журогум тарс жарылчудай туйлап,демейдегиден 4 эсе катуу сого баштады. Мындай сезим мектеп учурунан бери келе элек болчу. Жашка толгон коздорум менен аны карадым ал да мени карап туруптур. Экообуз бир саамга тиктешип туруп калдык. Бул коздор,эриндер,жылмаю анын жылуулугу мени озуно арбап турду. Биз карашып тура бердик унчукпастан,а коздор суйлошо берди. Бир топтон кийин гана мен ээсимди жыйдым да,ордумдан дароо турдум ,рахматымды айтпастан,тез-тез басып кеткенге шаштым. Ал болсо тан калып эмне дээрин билбей кала берди... Катуу тийген соккудан бетим ишип,когоруп,туну мн тынчтык бербей оорутуп чыкты. Эртеси болсо такыр козумду ача албай калыптырмын. Жиним келип жанагы балдардын баарын каргап-шилеп суйлонуп жаттым. Ошентип 10 кун дегенде арандан айыкты менин шишигим. Окууданда калып кеттим. Эми баары жакшы,тынч окуйм деп ойлоп журсом,менде жаны суйуу оорусу пайда болду капыстан. Жатаканада китептеримди жыйнап жатып жанагы жылдыздуу жигиттин жуз аарчысын таап аалдым. Аны дароо жуудум да,кургатып коюп койдум коргондо берип коём деп. Бирок аны такыр коро албадым. Издейм,негедир сагынам бирок жолукпайм. Кыш... Айлана аппак кар... Бул кооздукка суктанып,сейил бакта жалгыз айланып жургом. Оюм дале болсо ошол бей тааныш жигитте. Ойго чомулуп бара жатсам бироо далыма кар атты,карасам жанагы бей тааныш жигит... Мени карап жылмайып турат. Менин коздорумо жаш толуп ыйлай баштадым. Ал акырын басып келди да менин коз жашымды арчый баштады. Биз дагы тиктеше туштук. Анан акырын менин коздорумдон обту да: ыйлабачы суранам,кыз баланын ыйлаганын корсом журогум сыгылат-деп жылмайып койду... Мына ошодон кийин биз тез-тез жолуга турган болдук. Корсо ал 4 курстун студенти экен. Бизден бир курс жогоруу. Мен аны издеп жургондо,ал мени коп жолу коргон экен. Бирок келип соз айта албаптыр. Тан калдым озумо ошончо издеп корбогонумо.... Мен эмнегедир озгоро баштадым. Бир аз жасана,боёнуп да калдым. Досторум болсо буга тан? Акыры аларга баарын токпой-чачпай айтып бердим. Анын мунозу оор,токтоо,бирок тамашакой эле. Ушусон жылытып,ыйласан сооротуп,ач болсон тойгозуп турчу. Мен аны катуу суйуп калдым. Жанынан бир мунот да чыккым келбейт. Бир куну жаны жыл кечеси болуп мен да бармай болдум ага. Адатта такыр барчу эмес элем,бирок жанагы бей тааныш жигит: кутом созсуз келгин- деген созун эстеп барууну чечтим. ... Устумдо аппак узун койнок,чачым жайылып бигудиге салынган. Ал макияжды досторум кылып берген. Бутумда болсо бийик така. Жыгыла жаздап арандан эле кийип жургом. Курбуларым менен кирип бардык кечеге. Баары тан калып мени карашат. Менин болсо издегеним ошол .... Ичимдик,туркун тустуу тамактар,шапанский,оюн-кулку,музыка баары жайында,бир гана ал жок. Мени чакырып коюп озунун келбегени эмнеси деп жиндене баштадым. Баары эки-экиден бир гана мен жалгыз. Дагы козумо жаш толуп буулуга баштадым. Анан капыстан бироо акырын келип артымдан кучактады билдим менин бей тааныш жигитим экенин. Дагы ыйлап жатасынбы? койчу эми ушундай кундо да,кечир кеч калдым- деп кыпкызыл роза гулдорду берип жузумдон суйуп койду. Анан экообуз женил бийге тушуп жаттык. Ал мага: жур айланып келебиз таза абага-деп сунуш киргизди. Экообуз эшикте жылдыздарды карап суйлошуп олтурдук. Анан менин колумдан кармап: мен бир кызга жолуктум жана аны жактырып калдым. Ал башкаларга окшоп жасанып,боёнуп журбогондугу учун эмес. Мен анын озун,жан дуйносун,молтулдогон коздорун,жароокер мунозун жактырдым. Мен андан эч кимден таппаган жылуулукту таптым жана суйдум. Умут кылам,ал кызда мени мн бирге болот-деп мага карады. Мен бул убакта ааламга жар салып бакыргым келип турду: мен суйуумо жеттим,мен суйуумду таптым деп кыйкыргым келип турду. Дагы эле ошол адатым,ыйлап жаттым. Ал менин жузумдон сылап,жаштарымды акырын арчып,суроолу тигилди мага. Мен: сенин ушул созунду эле кутуп жургом. Мен сени ошол биринчи жолуккан кундон баштап эле суйом-дедим акыры. Женилдей туштум аябай эле. Ал мени озунун жылуу кучагына алды... Анан экообуз биринчи жолу ошол туну обуштук.... Менден откон бактылуу адам жок эле. Ошодон кийин мен ыйлаганды токтоттум,боёнуп,жасанып,мода кууп кийине баштадым. Озумду ушунча озгором деп такыр ойлогон эмес элем. Жигитим болсо ар дайым жанымда,бардык нерседен мени коргоп турат. Мен аны чексиз суйом... Ал экен демек,мен да бармын. Биз дагы бир жылдан кийин уй-було курууну чечтик,кандай гана бакыт.. Кудайга ыраазымын ошол топту менин башыма тийгизгенине,топ болбосо биз да жолукпайт элек. ... Тагдыр бизди озу жолуктурду,биз издебедик бири-бирибизди. Мен ишенем, чын суйууну издебеш керек. Ал бир куну озу сага кутулбогон жерден жолугат,мен буга толук ишенем... Урматтуу окурмандар. Автор: М Абдиева.
Comments 7
Likes 28
Кайнежелерге кайрылуу. Менин кайненем кайнежемдер келгенде, же алар биздикине келгенде 180градуска өзгөрөт. Грубитетип калат, кылган ишинен бир нерсе таап эле урушаарга бир нерсе издеп калат. Кайнежелер силер деле келинсинер го бир уй бүлөөгө. Зачем так травить маму? Ведь мы с утра до ночи то и делаем что пахаем чтоб вам угодить... Жөн келип жөн кетип жургулочу. Биз силерди жакшы эле сыйлайбыз, келгенинерде берээрге ашыбызды таппай столду жайнатып, күлүп жайнап тосуп алабыз. Ошондо да башка комнатага чыгып кетсен эле көтүно кошулуп алып суу куюп жаткандарын угуп каласың. Биз кул эмеспиз, биз да тыынч бактылуу жашагыбыз келет. Башка бирөөнүн келинин мактаганча оз келининерге ыраазы болгулачы. Биз да бирөөнүн баласыбыз. Аноним
Comments 7
Likes 39
Comments 3
Likes 248
Comments 5
Likes 485
Comments 5
Likes 90
Кимге керек? 😁
Comments 3
Likes 51
КЫЗЫКТУУ
yesterday 11:43
КЫЗЫКТУУ
yesterday 00:21
00:19
😔
1 780 views
Кимге керек? 😁
Саламатсызбы админ! Чыгарып бересизби 💋❤ Кыздар кандайсынар? Мен дагы айтып женилдеп алайынчы 🙁 Куйоом экообуз ажырашып кетейин деп жатабыз, мамилебиз аябай начарлап, ал мени корсо урушкусу эле келип турат. Ар кандай создор мени кемсинтип, мени аялы дагы эмес, даже адам ордунда корбой калды. Адам баласы кундо озуну кемсинткен создорду уга берсе, озуно болгон ишенич жоголуп, мен чындап эле ошондой адам окшоймун деп, чунчуп кетет экенсин. Постельди айтпай эле коеюн, ото муздак 😔 эптемей эле, ж
Show more
About group
КЫЗЫКТУУНУН БААРЫ БАР. Сиздер менен андан да кызыктуу болот.
Photos from albums