Журнал "Казан утлары"

Бүген Татарстанның халык шагыйре, драматург, тәнкыйтьче, җәмәгать эшлеклесе, Россия Дәүләт премиясе лауреаты Ренат Харисның туган көне! Әле дә актив иҗатта булган өлкән әдибебезне юбилее белән котлыйбыз! 👏 Аңа ныклы сәламәтлек, озын гомер һәм саекмас иҗат дәрте телибез!

Син тыңла инде мине, күрше. Истәлегем, төсем итеп тегеп бир кызларыма күз явын алырлык матур күлмәк. Сөендер сабыйларны, соңгы әманәтемне үтә... https://kazanutlary.ru/news/hikaya/tui-aldynnan-xikaia

2026 елның 1 маенда Солтан Габәшинең тууына 135 ел тула. «Казан утлары» журналының март-апрель саннарында соңгы елларда әдәбият сөючеләрне халкыбызның күренекле шәхесләре турында әсәрләр белән сөендергән язучы Рафис Корбанның мәшһүр якташы турында «Саташкан кәккүк» дигән романын укыдык. Бу әсәр халкыбызның беренче профессиональ композиторын яңадан халыкка кайтару юлында икенче зур хезмәт булып тора. 🔗https://kazanutlary.ru/news/s-ngat/galianap-mon-sakcysy

Язучы-шагыйрьләр Бөек Ватан сугышы елларында 📚

Күңелем сагына тәүге хисләрне, Сөю белән тулы күзләрне, Шатлык белән үткән көннәрне, Сөю белән үткән төннәрне. Сагыш керде безнең арага, Хыянәттән күңел сызыла. Сандугачлы җәйге бу кичләр Ялгыз башка авыр тоела. Ялгыз чакта авыр узалар Сагыну белән тулы таңнарым. Җилкән киерсәм дә сөюдән, Ерак икән тәүге назларым. Ишелгәннәр сөю ярларым, Калган икән бар да үткәндә. Күз яшьләрем бары чык булып, Ятып калды төнге гөлләрдә. Ә шулай да күңел ашкына, Сөю эзли, шаша, ярсына. Күңел эзли синең күзләрне, «Сөям» дигән татлы сүзләрне, Күңел сагына тәүге хисләрне… Тәҗрия ҖӘЛӘЕВА

Син тыңла инде мине, күрше. Истәлегем, төсем итеп тегеп бир кызларыма күз явын алырлык матур күлмәк. Сөендер сабыйларны, соңгы әманәтемне үтә... 🔗https://kazanutlary.ru/news/hikaya/tui-aldynnan-xikaia

Көн фикере 💫

«Казан утлары» журналының май саны дөнья күрде 🌼 Ничек яратмыйсың бу язларны, ничек сагынмыйсың? Күзне кояш-чакма чагып алгач, ничек кабынмыйсың? Сабый гөлләр, иркә киерелеп, буйга үскән чакта, Өр-яңадан таҗын ача бәхет, язын, туган якта. Җилләре дә ялмап ала гүя кышкы кәефләрне. Сиңа кабат гашыйк булдым, дисәм, ярым гаепләрме?! Иелдерә бөгелмәстәй буйны тәүге үләне дә. Әллә язын ягымлырак шунда күрше-күләне дә? Адымнар да йөгерекләнеп китә, оныклардан күреп. Онытыла кышкы «олыгаю», саф һавада йөреп. Әй, туган як, гүзәл һәр фасылың, язың бигрәкләр дә! Дәрткә тула тәүге күк күкрәүдән салмак йөрәкләр дә. Ничек яратмыйсың бу язларны, якты җәйләр алда! Бу дөньядан ничек ваз кичәсең, тәндә җаның барда?! ✍ Сания Әхмәтҗанова

Ил чакырса, ирләр яуга китә, Яуга китә илен якларга. Ир-егетләр тау бөркетләредәй, Һәрчак әзер җирен сакларга. Исән-имин йөреп кайтыгыз! Сезне көтә туган ягыгыз. Ирләр яуга китә, ил чакырса, Ил чакырса, алар гел сафта. Туган җире, якыннары өчен, Ир-егетләр тора гел сакта. Исән-имин яудан кайтыгыз! Сезне көтә сөйгән ярыгыз. Ил чакырса, ирләр яуга китә, Тарих шаһит: үткән күпме яу! Сынатмаган безнең көчле затлар, Авырлыкта булган рухы сау. Исән-имин җиңеп кайтыгыз! Сезне көтә туган йортыгыз. Рәзинә Мөхияр