Այսօր Հիսուս Քրիստոսի հրաշափառ Հարության տոնն է

ՇՆՈՐՀԱՎՈ՜Ր ՍՈՒՐԲ ԶԱՏԻԿ, ԲԱՐԵԿԱՄՆԵ՛Ր
Հիսուս Քրիստոսի հրաշափառ Հարության տոնը ողջ քրիստոնյա աշխարհի հնագույն և հայ առաքելական եկեղեցու գլխավոր հինգ տաղավար տոներից մեկն է:
Երեկ երեկոյան եկեղեցիներում մատուցվեց Ճրագալույսի Ս. Պատարագ: Հետո Սուրբ Զատիկը շարունակվեց ընտանիքներում, հավուր պատշաճի ընթրիքով, կարմիր հավկիթով և գինով:
Իսկ այսօր, կիրակի, առավոտյան եկեղեցիներում կկատարվի ժամերգություն, Անդաստանի արարողություն, ապա կմատուցվի տոնական Ս. Պատարագ:
Շնորհավո՜ր Սուրբ Զատիկ, բարեկամնե՛ր: Թող բոլո՛ր ընտանիքներում թևածի սերն ու համերաշխությունը, բոլորի հոգիները լցվեն լույսով և միմյանց հանդեպ գորովանքով: Հո՛ւյս, հավա՛տ և սե՛ր բոլորիս:
«Քրիստոս հարյավ ի մեռելոց - Օրհնյալ է հարությունը Քրիստոսի ...»: