Սեուլում մահացած են գտել հայտնի դերասանուհի եւ մոդել Սոն Յու Ջոնին։ Հաղորդագրությունում նշվում է, որ Սոնը  կյանքից հեռացել է հունվարի 23-ին, նրա հուղարկավորությունը տեղի է ունեցել երեկ։ Մահվան պատճառը չի նշվում։ 26-ամ յա Սոն Յու Ջոնը հայտնի էր «Դպրոց 2017», «Երազանք պահիր», «Ոսկե ծիածան» հեռուստասերիալներով։ Նա նաեւ նկարահանվում էր երաժշտական տեսահոլովակներում եւ հայտնի ապրանքանիշերի, այդ թվում Estée Lauder-ի եւ Baskin Robbins-ի գովազդներում։ Դերասանուհին նաեւ պաշտպանում էր սահմանափակ հնարավորություններ ունեցող մարդկանց իրավունքները։ Աստղը սոցիալական ցանցերում վերջին անգամ լուսանկար է հրապարակել Նոր տարվա նախօրեին։ Հիմա արդեն հրապարակման մեկնաբանություններում նրա երկրպագուները հարազատներին ու մտերիմներին աջակցության խոսքեր են գրում։