Свернуть поиск
Дополнительная колонка
Правая колонка
Аёл кишини эрини руҳсатисиз мулкидан ишлатиш.
Aбу Ҳурайра розияллоҳу анҳудан ривоят қилинади: Расулуллоҳ ﷺ айтдилар:
Aгар хотин эрининг мол-мулкидан бирон бир нарсани унинг буйруғисиз сарф қилса, у ҳолда мукофотнинг ярми унга ёзилади.
(Бухорий, 5195; Муслим, 1026)
-- Шарҳ
Ҳофиз Ибн Ҳажар Aсқалоний раҳимаҳуллоҳ айтганлар:
Бу ҳадисни шундай тушуниш керакки, аёл киши эрининг мулкидан унинг рухсатисиз садақа қилсин, лекин у учун махсус ажратиб қўйган молидан. Бундай ҳолда, у ўз мукофотининг бир қисмини олади, чунки бу мулкни айнан у топган. Ва "унинг рухсатисиз" сўзлари билан биз у ушбу мол-мулк учун унга шахсий рухсат бермаганлигини англатади, бироқ шу билан бирга у уйдаги мол-мулкдан садақа тарқатиш учун эридан умумий рухсат олади. Ушбу ҳадисни шу тарзда тушуниш керак, чунки агар аёл эрининг мулкидан (умуман мулк бўлсин ёки у унга махсус ажратиб қўйган мол-мулкидан), эрининг ҳеч қандай рухсатисиз - умумий ёки хусусий ҳолда берса, у ҳолда нафақат у бунинг учун ҳеч қандай мукофот олмайди, балким унга гуноҳ ёзилади.
Фатҳул Борий, 4/381
* * * * *
Имом Нававий раҳимаҳуллоҳ айтганлар:
"Унинг изнисиз" сўзларининг маъноси - яъни унинг тўғридан-тўғри рухсатисиз, у тарқатган мол-мулк билан боғлиқ. Aммо, шу билан бирга, у эрининг ундан илгари олган умумий рухсатига эга ва бу рухсат мулкнинг ушбу қисмини умумий ўз ичига олади.
Шарҳ Саҳиҳи Муслим, 7/112
🌿🌿🌿🌿🌿🌿
12-БОБ. РАСУЛУЛЛОҲ СОЛЛАЛЛОҲУ АЛАЙҲИ ВА САЛЛАМ УЗУКЛАРИ ЗИКРИ ҲАҚИДА КЕЛГАН РИВОЯТЛАР (Унда 8 та ҳадис бор:).
-- Шарҳ.
Бу бобда Расулуллоҳ соллаллоҳу алайҳи ва саллам узуклари сифати, нақши, уни нима учун таққанлари ҳақидаги ривоятлар келтирилган. Пайғамбаримиз соллаллоҳу алайҳи ва саллам ҳижратдан сўнг, ҳижрий 6-йил охирларида узук ясаттирганлар. Чунки подшоҳларга мактуб йўллаш керак эди. У зот Рум подшоҳига хат ёзмоқчи бўлганларида, “Улар фақат муҳр қўйилган мактубларни қабул қилишади”, дейилган. Шунда ўзлари учун узук ясаттирганлар. Шунинг учун айрим уламолар узук тақиш ҳукмида: “Агар зарурат туғилса, масалан, киши қози ёки масъул бўлиб, муҳр қўйишга тўғри келса, узук ясаттириши суннатдир. Агар ҳожат бўлмаса, у ҳолда мубоҳ саналади”, дейишган. Эътибор берилса, муаллиф сарлавҳада “зикр” сўзини зиёда қилган. Чунки, арабча “хотам” калимаси “узук”, “муҳр”, “охири” маъноларини ифодалайди. Китоб аввалида “хотамун нубувват”, яъни, нубувват муҳри – Набий соллаллоҳу алайҳи ва саллам икки кураклари ўртасида бўртиб чиққан бир парча эт ҳақидаги ривоятлар келтирилганди. Бу ерда эса “хотамун набий”, яъни, Расулуллоҳ соллаллоҳу алайҳи ва саллам муҳр ўрнида ишлатган узуклари ҳақида сўз кетади. Орадаги фарқни билдириш учун “зикр” сўзи қўшимча қилинган.
(Имом Термизий ривояти)
Манба: "Шамоили Муҳаммадийя"

Присоединяйтесь — мы покажем вам много интересного
Присоединяйтесь к ОК, чтобы подписаться на группу и комментировать публикации.
Нет комментариев