Аз ту дурам, аз ту дурам, аз ту дурам…

Аз ту дурам ману девонаю мадҳуши туам,
Ончунон маҳви ту гаштам, ки дар оғӯши туам.
Як дам аз дил набарам ёди диловези туро
Гарчи чун ишқи зи дил рафта фаромӯши туам.
Аз ту дурам, аз ту дурам, аз ту дурам…
Нигаҳи гармаму дар чашми сухангӯйи туам,
Ҳаваси бӯсааму дар лаби хомӯши туам.
Аз ту дурам, аз ту дурам, аз ту дурам…
Гарчи дар ҳасратам аз дурии барқи нигаҳат,
Зинда бо ёди туву гармии оғӯши туам.
Аз ту дурам, аз ту дурам, аз ту дурам…