Лаўрэаты духоўна-асветніцкага фестывалю “Светлае слова”- госці праграмы “Святло душы”

У трэці раз на вілейшчыне адбыўся духоўна-асветніцкі фестываль “Светлае слова”, мэта якога далучыць дзяцей і моладзь да мастацкага чытання і літаратурнай спадчыны айчынных класікаў, раскрыццё творчых талентаў сярод юных вілейчан. Па ўсім краі адбыліся презентацыі выстаў, сустрэчы з літаратарамі і краязнаўцамі, экскурсіі-бяседы з удзелам святароў. Аднак, галоўнай падзеяй стала спаборніцтва юных чытальнікаў і калектываў мастацкага чытання, якое закончылася ўзнагароджаннем пераможцаў у Мінску, ў Вялікай студыі Дома радыё.
Не першы раз мастацкі кіраўнік фестывалю дырэктар вілейскага Цэнтра эстэтычнага выхавання Таццяна Мікалаеўна Захарыч звяртаецца да свайго земляка скульптара Уладзіміра Слабодчыкава з просьбай падрыхтаваць галоўны прыз фестывалю. І вось Гран-пры “Залатая кніга” ў руках Антона Буйвіда- удзельніка ўзорнай дзіцячай студыі “Вясёлка” Людвінаўскага раённага Дома культуры. Юныя артысты падрыхтавалі да фестывалю спекталь “У нас усё яшчэ будзе “ па п”есе Наталлі Шор па ўспамінах дзяцей вайны...
У той дзень юныя пераможцы конкурсу “Светлае слова” не толькі пабывалі ў Вялікай студыі і атрымалі першы вопыт працы перад радыёмікрафонам. Для іх правялі экскурсію па Дому радыё і новай вяшчальный студыі канала “Культура”.
Слухайце праграму “Святло душы” 5 сакавіка ў 7.30 на Першым канадле Беларускага радыё. Паўтор 6 сакавіка ў 17.30 на канале “Культура.
/ sobor.by/ http://www.sobor.by/audionews.php?id=Laureati_duhouna_asvetnitskaga_festivalyu_Svetlae_slova__gostsi_pragrami_Svyatlo_dushi