03 ИЮНЪ, ПРАЗДНИКЪ ИКОНЫ БОЖИЕЙ МАТЕРИ "УМЯГЧЕНИЕ ЗЛЫХ СЕРДЕЦ" ("СЕМИСТРЕЛЬНАЯ")

О, Пресвятая и Пренепорочная Мати Дево, надеждо христиан и прибежище грешным! Защити чад Божиих, любящих Гору СВЯтую в несчастиях к Тебе прибегающих, услыши стенания наша, приклони ухо Твое к молению нашему. Владычице и Мати Бога нашего, не презри требующия Твоея помощи и не отрини нас чад Божиих, любящих Гору СВЯтую, вразуми и научи нас: не отступи от нас, детей твоих, за роптание наше. Буди нам Мать и Покровитель­нице, вручаем себе милостивому покрову Твоему. Приведи нас чад Божиих, любящих Гору СВЯтую, к тихой и безмятежней жизни; да оплачем грехи наши. О, Мати Марие, наша преблагая и скорая Заступнице, покрый нас Своим ходатайством. Защити от врагов видимых и невидимых, умягчи сердца злых людей, воздающих на нас. О, Мати Господа Творца нашего! Ты корень девства и неувядающий цвет чистоты и целомудрия, пошли по­мощь нам немощным и обурева­емым плотскими страстьми и блуждающими сердцами. Просве­ти наши душевныя очи, да ви­дим пути правды Божия. Благодатию Сына Твоего укрепи нашу слабую волю во исполнение заповедей, да избавимся от всякия беды и напасти и оправданы будем Твоим пречудным заступлением на страшном суде Сына Твоего. Емуже мы воздаем славу, честь и поклонение ныне и при­сно, и во веки веков. Аминь.