Иброҳим ибн Адҳам ғамгин ва хафа бўлиб ўтирган бир кишининг олдидан ўтаётиб, унга: “Сендан уч нарса тўғрисида сўрайман, жавоб берасанми?

” деди.
Ҳалиги ғамгин киши: “Майли, сўра”, деди. Иброҳим сўради:
“Шу борлиқда Аллоҳ таоло хоҳламаган нарса бўладими?”
У: “Йўқ”, деди.
Иброҳим сўради: “Аллоҳ таоло сенга тақдир қилган ризқингдан бирор нарса камаядими?”
У киши: “Йўқ”, деди. Иброҳим сўради: “Аллоҳ таоло сенинг тақдирингга ёзиб қўйган умрингдан бирон лаҳза камаядими?”
У киши: “Йўқ”, деди.
Иброҳим айтди: “Ундай бўлса, ғам-ғусса нечун?!”