Ёғиб қорлар босилди излар.

Бахор келди келар ёз кузлар.
Бўйга етар ўғил ва қизлар.
Ахир хаёт давом этябди.
Умр карвон ўтиб кетябди.
Атрофингда дўсту ёронлар.
Дилгинангда битмас армонлар.
Давр суринг ўтар давронлар.
Ахир хаёт давом этябди.
Умр карвон ўтиб кетябди.
Кимлар отда кимдир пиёда.
Яхшилар бор мендан зиёда.
Ғам ташвиш хеч битмас дунёда.
Ахир хаёт давом этябди.
Умр карвон ўтиб кетябди.
Бошга келса минг битта савдо.
Ўйга ботиб бўлманггиз адо.
Чин дўстингиз билинг бир Худо.
Ахир хаёт давом этябди.
Умр карвон ўтиб кетябди.
Яшаб олинг яшамоқ керак.
Рисқ битгунча ошамоқ керак.
Барин ортга ташламоқ керак.
Ахир хаёт давом этябди.
Умр карвон ўтиб кетябди.