არ ვიცი როდის,

არ ვიცი როგორ,
მაგრამ ვიცი, რომ
გამიჩენ გოგოს.
თუნდაც არასდროს, ჩემი
არ გერქვას ცოლი,
მაინც გამიშლი საბანს ყოველღამ.
თუნდაც დამტოვო,
გამაგდო,
გძულდე,
თუნდაც ფანჯრებში სინათლის მშურდეს.
მე მაინც მუდამ ,
მე მაინც შენთვის,
ჩვენ შვილს დედაზე
მხოლოდ კარგს ვეტყვი.
და ცისფერ თვალებს,
ხორბლისფერ თითებს,
უმანკო სურნელს და მოთბო წინდებს-
-გადაგინახავ ფოტოებს, ფრაზებს,
რომ სამახსოვროდ ოდესმე დაგრჩეს.
მე მინდა შენგან შვილი ,თან გოგო,
მე მინდა ბავშვი მხოლოდ შენ გგავდეს,
არ ვიცი როდის, არ ვიცი როგორ,
მაგრამ ვიცი,რომ გამიჩენ გოგოს ...
( ოცნების შვილი )