ლექსი ზამთარშიდაც იწერება, ოღონდ, სხვანაირად სევდიანი, როგორც ჩანს, რითმებსაც კი ბეზრდებათ თოვლში, ჩემთან ერთად ხეტიალი...

ზეცა თუა ოდნავ შეფერილი, მაგრამ ჭარბობს, მაინც ნაცრისფერი, მათბობს, მოგონებას შერჩენილი, ფერი იმ ლამაზი ნარცისების, მე რომ შენსკენ სავალ გზებს ვძებნიდი შენ კი სიყვარულზე მაფიცებდი... გზა თუ ჯავრიანად ითელება, ესეც იღბალი და ბედი არის, ლექსი ზამთარშიდაც იწერება, ოღონდ სხვანაირად სევდიანი...