***

გაზაფხულზე ფერი მიყვარს
ღრუბლის, ცრემლად მორეულის,
ოხშივარი მიწის გულის,
ბრწყინვალება ნამეულის.
გაზაფხულზე ზეცა მიყვარს
ქლიავისფრად გაბნეული,
ნაწვიმარზე სველი რტო და
კვირტი თეთრად დაბნეული.
გაზაფხულზე წვიმა მიყვარს,
წკაპი_წკუპა ჩქარეული,
ლურჯი მთების მოძახილი,
თეთრ ნისლებში ჩალეული.
გაზაფხულზე ია მიყვარს,
ცისფერკაბა, დალეული...
მიმოზების სურნელება,
ოქროსფერში არეული.
გაზაფხულზე შენ მიყვარხარ,
ხეტიალი მთვარეული,
მერე თავის გადაკარგვა
ოცნებებში ღამეულის.
/ირინოლა/