ძველ რომში დამნაშავეების სიკვდილით დასჯის ერთ-ერთი ხერხი იყო სიკვდილმისჯილის შეშვება კოლიზეუმის არენაზე ლომებთან და ვეფხვებთან ერთად.

ერთხელ იმპერატორ გალიენუსის ცოლს ვაჭარმა ყალბი ძვირფასეულობა მიჰყიდა. ვაჭრის ტყუილი მალევე გამოაშკარავდა და გალიენუსმა მას სიკვდილი მიუსაჯა. როცა ვაჭარი კოლიზეუმის ცენტრში დააყენეს, არენაზე გამოუშვეს ქათმები. არენაზე ქათმების გამოშვებამ ლომების ნაცვლად დიდი ოვაციები და სიცილი გამოიწვია, გალიენუსი წამოდგა და ვაჭარს მიმართა: "ტყუილის გამო ტყუილითვე დაისაჯე". ვაჭარი იმ დღესვე გაათავისუფლეს.