ეგ თვალები მზის ალერსით იმზირება,

ეს ტუჩები კვალს ტოვებენ მკერდზე.
მონატრება ვნების ფსკერზე იძირება,
დაკარგული ნეკნის მერე გეძებ...
ეს თითები ტუჩზე ჩამოსრიალდება,
ეს მკლავები მოგეხვევა მხრებზე,
ქალი ხარ და მონატრება ჰქვია ვნებას,
სიყვარული აღვიძებსო ვნებებს!
ვნების გამო შეუყვარდა ადამს ევა,
სიყვარული შეგვაერთებს რჩეულს...
ახლა რა დროს წასვლაა და გადარევა,
სად სცალია ათრთოლებულ სხეულს...
ეგ ტუჩები დღეს ბაგეზე დამადნება,
დამნებდება ხორბლისფერი მკერდი,
შენ ხარ ჩემი სიყვარულის გამართლება
და ყველაზე სასურველი მდედრი.
დათო ახლოური